პაკისტანის პრემიერ-მინისტრი აცხადებს, რომ ისლამაბადმა ინდოეთის იერიშებს მათი თვითმფრინავების ჩამოგდებით უპასუხა

პაკისტანის პრემიერ-მინისტრი შეჰბაზ შარიფი აცხადებს, რომ ისლამაბადმა ინდოეთის იერიშებს მათი თვითმფრინავების ჩამოგდებით უპასუხა, რასაც ოფიციალური დელი არ ადასტურებს. ეს იყო „ჩვენი მხრიდან მათდამი პასუხი“, – განაცხადა პაკისტანის პრემიერ-მინისტრმა ერისადმი მიმართვაში. ოფიციალური ისლამაბადის ცნობით, 31 ადამიანი დაიღუპა და 57 დაშავდა პაკისტანსა და პაკისტანის მიერ კონტროლირებად ქაშმირში განხორციელებული საჰაერო დარტყმების, ასევე, კონტროლის ხაზის გასწვრივ გახსნილი ცეცხლის შედეგად. ინდოეთის არმიამ […]

2025 წლის იანვარ-აპრილში საქართველოს საერთაშორისო აეროპორტებში მგზავრთნაკადი, წინა წლის ანალოგიურ პერიოდთან შედარებით, 13%-ით გაიზარდა

2025 წლის იანვარ-აპრილში საქართველოს საერთაშორისო აეროპორტებში მგზავრთნაკადი, წინა წლის ანალოგიურ პერიოდთან შედარებით, 13%-ით გაიზარდა და 2,182,811 მგზავრი შეადგინა (2024 წლის იანვარ-აპრილი – 1,936,381 მგზავრი). ამის შესახებ ინფორმაციას საქართველოს აეროპორტების გაერთიანება ავრცელებს. რაც შეეხება რეისების რაოდენობას, როგორც აეროპორტების გაერთიანებაში აცხადებენ, 2025 წლის პირველ ოთხ თვეში რეისების რაოდენობა 16%-ით არის გაზრდილი და ჯამურად  9,908 რეისია შესრულებული საქართველოს აეროპორტებში […]

ირაკლი კობახიძე: სავალუტო ფონდის ძალიან კარგი პროგნოზია, რომ ვიქნებით მსოფლიო მასშტაბით ერთ-ერთი მოწინავე ქვეყანა ეკონომიკური ზრდის თვალსაზრისით 2029 წლის ჩათვლით

სავალუტო ფონდის ძალიან კარგი პროგნოზია იმასთან დაკავშირებით, რომ ჩვენ ვიქნებით მსოფლიო მასშტაბით ერთ-ერთი მოწინავე ქვეყანა ეკონომიკური ზრდის თვალსაზრისით საშუალოვადიან პერსპექტივაში 2029 წლის ჩათვლით, –  ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა. პრემიერის შეფასებით, ქვეყნის  ეკონომიკა სწრაფი ტემპით იზრდება, განსაკუთრებით ბოლო 4 წლის განმავლობაში. „როცა გვქონდა ჩვენი საარჩევნო პროგრამის წარდგენა, მე იქაც ვაჩვენე საზოგადოებას მონაცემები, […]

საქართველოს ეროვნული ბანკი მონეტარული პოლიტიკის განაკვეთს უცვლელად, 8.0 პროცენტზე ინარჩუნებს

საქართველოს ეროვნული ბანკის მონეტარული პოლიტიკის კომიტეტმა 2025 წლის 7 მაისის სხდომაზე მონეტარული პოლიტიკის განაკვეთის (რეფინანსირების განაკვეთი) უცვლელად დატოვების გადაწყვეტილება მიიღო. მონეტარული პოლიტიკის განაკვეთი 8 პროცენტს შეადგენს. ინფლაცია მიზნობრივ 3 პროცენტიან მაჩვენებელთან ახლოს ნარჩუნდება. აპრილის მდგომარეობით წლიურმა ინფლაციამ 3.4 პროცენტი შეადგინა, ხოლო საბაზო ინფლაცია, რომელიც სამომხმარებლო კალათიდან მაღალი მერყეობით გამორჩეულ სურსათის, ენერგომატარებლებისა და სიგარეტის ფასებს გამორიცხავს, […]

კონგრესმენი ჯო უილსონი ასახელებს იმ ქართველ მაღალჩინოსნებს, ვისაც „MEGOBARI აქტის“ სანქციები შეეხება

ამერიკელი „რესპუბლიკელი“ კონგრესმენი ჯო უილსონი ასახელებს იმ ქართველ მაღალჩინოსნებს, ვისაც „MEGOBARI აქტის“ სანქციები შეეხება. ამ სიაში არიან ის პოლიტიკოსები, მოსამართლეები, პროპაგანდისტები და ბიზნესმენები, რომლებიც უილსონის შეფასებით, ბიძინა ივანიშვილს ქართული სახელმწიფოს მიტაცებაში ეხმარებიან. „ბიძინა ივანიშვილის მიერ სახელმწიფოს მიტაცების ხელშემწყობები საქართველოში – შემდეგი პირები ეხმარებიან ბიძინა ივანიშვილს, ჩრდილოვან მმართველს ქართული სახელმწიფოს ხელში ჩაგდებასა და ქვეყნის ჩინეთის, ირანისა და რუსეთის […]

ფრიდრიხ მერცი გერმანიის კანცლერად მეორე კენჭისყრის შედეგად აირჩიეს

გერმანიის ბუნდესტაგმა მეორედ გამართული კენჭისყრისას, კანცლერის პოსტზე ფრიდრიხ მერცის კანდიდატურას მხარი დაუჭირა – 325 ხმით, 289-ის წინააღმდეგ. კენჭისყრაზე ერთმა დეპუტატმა თავი შეიკავა, სამი ხმა კი, ბათილად ცნეს. ბუნდესტაგში გამართულ პირველ კენჭისყრაზე ფრიდრიხ მერცმა კანცლერობისთვის საჭირო 316 ხმის მიღება ვერ შეძლო. მას ექვსი დეპუტატის მხარდაჭერა დააკლდა. თებერვალში გამრთულ გერმანიის ვადამდელ საპარლამენტო არჩევნებში ფრიდრიხ მერცის „ქრისტიან-დემოკრატიული კავშირისა“ […]

ახალი ეტაპი პრემიუმ საბანკო მომსახურებაში – პირველად საქართველოში, Mastercard და სტუდიო ლიბერთი Black Edition ბარათს წარადგენენ

Mastercard და ლიბერთის პერსონალური ბანკინგის მიმართულება, სტუდიო ლიბერთი, მომხმარებელს პრემიუმ საბანკო მომსახურებაში ახალ სტანდარტს სთავაზობენ – Top|Card Black Edition საქართველოში Mastercard-ის პირველი საკრედიტო ბარათია, რომელიც შექმნილია პრემიუმ სერვისებზე ორიენტირებული მომხმარებლებისთვის და აერთიანებს ფინანსურ და სამოგზაურო უპირატესობებს. ლიბერთი თავის მომხმარებელს Top|Card-ს ერთი წელია რაც სთავაზობს და მოიცავს თანხის უპროცენტოდ გადანაწილების ფუნქციას 3000+ზე მეტ პარტნიორ კომპანიაში. ხოლო Top|Card Black Edition, ლიბერთის პრემიუმ სეგმენტის მომხმარებლებს, საქართველოში და მის ფარგლებს გარეთ მისცემს უნიკალურ შესაძლებლობას, დამატებით მიიღონ წვდომა შოპინგისა და მოგზაურობის პრემიუმ გამოცდილებაზე – გლობალური კონსიერჟ სერვისები, ლაუნჯები, სადაზღვევო მომსახურებები და სპეციალური შეთავაზებები. „Mastercard-ში ჩვენ ვქმნით პროდუქტებს, რომლებიც არამხოლოდ გადახდის ინსტრუმენტებს სთავაზობს მომხმარებლებს, არამედ ემსახურება ცხოვრების სტილის ამაღლებას. Top|Card Black Edition სწორედ ამ იდეას გამოხატავს — ესაა ბარათი, რომელიც გაძლევთ წვდომას პრემიუმ გამოცდილებებზე, დაუვიწყარ თავგადასავლებსა და შეუფასებელ მომენტებზე“ – დავით ზღუდაძე,  Mastercard-ის ვიცე პრეზიდენტი საქართველოსა და სომხეთში. “ლიბერთის უნივერსალიზაციის სტრატეგიის ფარგლებში, პრემიუმ სეგმენტისთვის სერვისებისა და პროდუქტების განვითარება, ერთ–ერთი პრიორიტეტული მიმართულებაა. მნიშვნელოვანია, რომ Mastercard-თან პარტნიორობით, სტუდიო ლიბერთის მომხმარებლებს პირველად ეძლევათ შესაძლებლობა ისარგებლონ World Black Edition ბარათით. მინდა ვისარგებლო შემთხვევით და მადლობა გადავუხადო ამ პროდუქტის დანერგვაში ჩართულ ყველა გუნდს” – ნინო ჩადუნელი, ლიბერთის საცალო საბანკო მიმართულების დირექტორი „მოხარულები ვართ, რომ სწორედ სტუდიო ლიბერთის მომხმარებლები შეძლებენ World Black Edition-ის პირველად გამოყენებას. Top|Card Black Edition-ის მფლობელებისთვის, მუდმივად იქნება ხელმისაწვდომი მრავალფეროვანი შეთავაზებები, სამოგზაურო ბენეფიტები,  სპეციალური კამპანიები და რა თქმა უნდა, საბანკო მომსახურების ახლებური გამოცდილება, რომლითაც სტუდიო ლიბერთის მომხმარებლები სარგებლობენ. – ლედი კოჭლამაზაშვილი, ლიბერთის პერსონალური ბანკინგისა და მომხმარებლისთვის ღირებულების შექმნის დეპარტამენტის ხელმძღვანელი ბარათით სარგებლობისას ხელმისაწვდომი იქნება Mastercard World Black Edition-ის მუდმივი სამოგზაურო უპირატესობები: 10 უფასო Lounge Key ვიზიტი (ბარათით დახარჯული თანხის მიუხედავად, 1200+ ლაუნჯში) 10 Fast Track სერვისი საერთაშორისო აეროპორტებში […]

პრემიერ-მინისტრმა ხუთ რეგიონში ახალი სახელმწიფო რწმუნებულები დანიშნა

მცხეთა-მთიანეთის, შიდა ქართლის, სამცხე-ჯავახეთის, გურიისა და ქვემო ქართლის რეგიონებს ახალი სახელმწიფო რწმუნებულები ჰყავს. პრემიერ-მინისტრის გადაწყვეტილებით, მცხეთა-მთიანეთში სახელმწიფო რწმუნებულის თანამდებობა – ალექსანდრე ზაგაშვილმა, შიდა ქართლში – სიმონ გულედანმა, სამცხე-ჯავახეთში – ზაალ გელაშვილმა, გურიაში – გიორგი ღურჯუმელიძემ, ხოლო ქვემო ქართლში – ლევან ხარაბაძემ დაიკავეს. ახლად დანიშნულ სახელმწიფო რწმუნებულებს ირაკლი კობახიძე დღეს მთავრობის ადმინისტრაციაში რეგიონული განვითარების მინისტრ კახა გულედანთან ერთად შეხვდა. პრემიერ-მინისტრმა ხაზი გაუსვა რეგიონების განვითარების განსაკუთრებულ მნიშვნელობას და აღნიშნა, რომ ამ საკითხის პრიორიტეტულობაზე რეგიონული განვითარების სამინისტროს ცალკე უწყებად ჩამოყალიბებაც […]

აშშ-ის კონგრესის წარმომადგენელთა პალატამ „მეგობარი აქტს“ მხარი დაუჭირა

აშშ-ის კონგრესის წარმომადგენელთა პალატამ „მეგობარი აქტს“ მხარი დაუჭირა. კანონპროექტის მომხრე 349 კონგრესმენი იყო, მათგან 168 რესპუბლიკელი, ხოლო 181 დემოკრატი. წინააღმდეგ წავიდა 42 კონგრესმენი, ხოლო 42-ს კენჭისყრაში მონაწილეობა არ მიუღია. „მეგობარი აქტის“ სახელით ცნობილი კანონპროექტის სრული სახელწოდებაა „საქართველოს ანგარიშვალდებულების, გამძლეობისა და დამოუკიდებლობის შესაძლებლობების გაძლიერებისა და მობილიზაციის აქტი“. ასევე, მისი ოფიციალური სახელწოდებაა „ჩინეთის კომუნისტური პარტიის, ირანის რეჟიმისა […]

კლინიკა „ვივამედში“ პატიმრის გარდაცვალებასთან დაკავშირებით სპეციალური პენიტენციური სამსახური განცხადებას ავრცელებს

სპეციალური პენიტენციური სამსახური კლინიკა „ვივამედში“ პატიმრის გარდაცვალებასთან დაკავშირებით განცხადებას ავრცელებს. როგორც განცხადებაშია ნათქვამი, ფაქტთან დაკავშირებით იუსტიციის სამინისტროს შესაბამისმა დანაყოფმა დაიწყო გამოძიება და  მიმდინარეობდა ინტენსიური საგამოძიებო მოქმედებები. „სპეციალური პენიტენციური სამსახური ბრალდებული ი. გ.-ს გარდაცვალებასთან დაკავშირებით სხვადასხვა მედიასაშუალების მიერ გავრცელებულ ინფორმაციას ეხმაურება. სპეციალური პენიტენციური სამსახური უსამძიმრებს პატიმრის ოჯახის წევრებს და გმობს პატიმრის გარდაცვალების ფაქტით მანიპულირებას, რაც ცალკეული მედიასაშუალებების მხრიდან ადამიანური […]