თერჯოლის მუნიციპალიტეტის სოფელ ღვანკითში საკარანტინე პირობები დაწესდა

გადაადგილების მკაცრ შეზღუდვას თავდაცვის ძალები სამართალდამცავებთან ერთად აკონტროლებენ. ეპიდემიის გავრცელების პრევენციული ღონისძიებების ფარგლებში თავდაცვის ძალების დასავლეთის სარდლობის სამოქმედო არეალი იმერეთის რეგიონში კიდევ უფრო გაიზარდა. გადაწყვეტილება საკოორდინაციო საბჭომ მიიღო. საკონტროლო პუნქტები დღეს დილიდან მოეწყო. III ქვეითი ბრიგადის სამხედროებმა სამართალდამცავებთან ერთად ღვანკითში გადაადგილების შეზღუდვის 5 პუნქტი მოაწყვეს. სამხედროების მთავარი ამოცანა შსს-ს ძალებთან კოორდინაციით ავტომანქანების მოძრაობის კონტროლია. სოფელში […]

მესტიაში სასაზღვრო პოლიციის თანამშრომლის მკვლელობაში ბრალდებული პოლიციას ჩაბარდა

მესტიის მუნიციპალიტეტის სოფელ მულახში მომხდარ მკვლელობაში ბრალდებული პოლიციას ჩაბარდა. მომხდარზე გამოძიება სისხლის სამართლის კოდექსის 108-ე და 236-ე მუხლებით მიმდინარეობს, რაც განზრახ მკვლელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს. 20 აპრილ, სასაზღვრო პოლიციის თანამშრომელმა ურთიერთშელაპარაკების ნიადაგზე ცეცხლსასროლი იარაღიდან ესროლა საკუთარ თანამშრომელს, რომელიც მიყენებული ჭრილობით ადგილზე გარდაიცვალა. ბრალდებული შემთხვევის ადგილიდან მიიმალა, დღეს კი სამართალდამცველებს ჩაბარდა.

საქართველოში კორონავირუსი 420 ადამიანს დაუდასტურდა, აქედან 107 უკვე გამოჯანმრთელდა

საქართველოში კორონავირუსი 420 ადამიანს დაუდასტურდა, აქედან გამოჯანმრთელებულია 107 პაციენტი. ინფორმაციას საქართველოს მთავრობის მიერ შექმნილი სპეციალური ვებ-გვერდი stopcov.ge ავრცელებს. ამავე ვებ-გვერდის ინფორმაციით, კარანტინის რეჟიმშია 5223 ადამიანი, სტაციონარში მეთვალყურეობის ქვეშ კი 584 მოქალაქე რჩება. უცხოეთიდან სამკურნალოდ გადმოყვანილია საქართველოს 3 მოქალაქე. საქართველოში კორონავირუსით 5 ადამიანი გარდაიცვალა.

97 მომხრე, 10 წინააღმდეგი – პარლამენტმა ქვეყანაში საგანგებო მდგომარეობის გაგრძელებასთან დაკავშირებით, საქართველოს პრეზიდენტის ბრძანება დაამტკიცა

საქართველოში საგანგებო მდგომარეობა 22 მაისის ჩათვლით გახანგრძლივდა. პარლამენტის საგანგებო სესიის პლენარულ სხდომაზე საქართველოს პრეზიდენტის 2020 წლის 21 აპრილის N2 ბრძანება, საქართველოს მთელ ტერიტორიაზე საგანგებო მდგომარეობის გაგრძელებასთან დაკავშირებით, 97 მომხრით 10-ის წინააღმდეგ იქნა დამტკიცებული. პლენარულ სხდომაზე საქართველოს პრეზიდენტმა, სალომე ზურაბიშვილმა საგანგებო მდგომარეობის გაგრძელების აუცილებლობაზე ისაუბრა. მან ასევე მიმოიხილა აღნიშნული რეჟიმის ერთთვიანი პერიოდი და ხელისუფლების და საზოგადოების […]

ირაკლი ჩიქოვანი: „სასოფლო-სამეურნეო სამუშაოების მიზნით მოქალაქეებს შეეძლებათ დილის 06:00 საათიდან 08:00 საათამდე გადაადგილდნენ და საღამოს 18:00-დან 19:00-მდე დაბრუნდნენ რეგიონალურ შტაბებთან შეთანხმებით“

ყველა რეგულაციის, ყველა შეზღუდვის მიზანია, დავიცვათ თითოეული ჩვენი მოქალაქის სიცოცხლე, მაქსიმალურად შევაფერხოთ COVID 19-ის გავრცელება და მივცეთ ჩვენს გმირ ექიმებს იმის საშუალება, რომ ყველა ჩვენი თანამოქალაქისათვის უზრუნველყონ მაღალი ხარისხის მომსახურება და შეძლონ მათი სიცოცხლისთვის ბრძოლა, – განაცხადა საქართველოს პრემიერ მინისტრის მრჩეველმა, პრესსპიკერმა ირაკლი ჩიქოვანმა. როგორც პრემიერის პრესსპიკერმა აღნიშნა, საქართველო ჯერჯერობით არ იმყოფება პიკის ეტაპზე, ეს […]

კახა კალაძე გამოდის ინიციატივით, კვირაში ორი დღით კერძო ავტომობილებით გადაადგილება აიკრძალოს

თბილისის მერმა კახა კალაძემ ვიდეო ჩართვაში, ბოლო პერიოდის განმავლობაში დედაქალაქში ეკოლოგიური მდგომარეობის გაუმჯობესებასა და ჰაერის დაბინძურების შემცირებაზე ისაუბრა. კახა კალაძემ მოსახლეობას მონაცემები წარუდგინა, რომელიც წერეთლის გამზირზე არსებულ მდგომარეობას ასახავს. მასში ნათლად ჩანს 2019 წელსა და 2020 წელს ჰაერში აზოტის შემცველობასთან დაკავშირებული სხვაობა. „ბოლო პერიოდის განმავლობაში დედაქალაქში, ისევე როგორც საქართველოს მთელ ტერიტორიაზე ატმოსფერული ჰაერის დაბინძურების მაჩვენებელი […]

შსს მოქალაქეებს მოუწოდებს, რომ საგანგებო მდგომარეობის წესებთან დაკავშირებით და დროებითი ნებართვების შესახებ 112-ზე არ დარეკონ

მოქალაქეები, ვისაც რეალურად სჭირდება გადაუდებელი დახმარება, სახანძრო-სამაშველო სამსახურის, სასწრაფო სამედიცინო დახმარებისა ან საპატრულო პოლიციის გამოძახება, გადატვირთულობის გამო ვერ ახერხებენ “112”-თან დაკავშირებას, – შსს განცხადებას ავრცელებს, სადაც მოქალაქეებს მოუწოდებს, რომ საგანგებო მდგომარეობის წესებთან დაკავშირებით და დროებითი ნებართვების შესახებ 112-ზე არ დარეკონ. „მოქალაქეები გადაუდებელი დახმარების ერთიან ნომერს – 112-ს უკავშირდებიან ქვეყანაში მოქმედი რეგულაციების და საგანგებო მდგომარეობის წესების […]

სალომე ზურაბიშვილი: „არ შეიძლება, თავდადებული ბრძოლის მიუხედავად, ექიმების მიმართ ისმოდეს შეურაცხმყოფელი განცხადებები, ეს ჩვენ არ გვეკადრება“

საქართველოს პრეზიდენტმა, სალომე ზურაბიშვილმა ჯანდაცვის სისტემის თანამშრომლებს მხარი დაუჭირა. მან აღნიშნულის შესახებ  პარლამენტში სიტყვით გამოსვლისას განაცხადა. მისი თქმით, ექიმების თავდაუზოგავმა შრომისა და მთავრობის დროული და ეფექტური ნაბიჯებით საქართველოში კორონავირუსით შექმნილი ვითარების მაქსიმალური გაკონტროლება შესაძლებელი გახდა. „ზუსტად ერთი თვე გავიდა მას შემდეგ, რაც ამ დარბაზში შევიკრიბეთ და საქართველოს კონსტიტუციის 71-ე მუხლის თანახმად, გამოვაცხადე საგანგებო მდგომარეობა. საგანგებო მდგომარეობის საშუალებით, ჩვენ […]

არჩილ თალაკვაძე: „მასწავლებლებმა მართლაც განსაკუთრებული მაგალითი მისცეს საზოგადოებას, როდესაც საგანგებო მდგომარეობის და პანდემიის პირობებში ატარებენ დისტანციურ გაკვეთილებს“

საქართველოს პარლამენტის თავმჯდომარემ არჩილ თალაკვაძემ საგანგებო სხდომაზე მადლობა გადაუხადა მასწავლებლებს დისტანციური გაკვეთილების ჩატარებისთვის და ასევე „საზოგადოებრივ მაუწყებელს“ ტელესკოლის პროექტის განხორციელებისთვის, როგორც ქართული სკოლების მოსწავლეების, აგრეთვე ეთნიკური უმცირესობების სკოლების მოზარდებისთვისაც. „მასწავლებლებმა მართლაც განსაკუთრებული მაგალითი მისცეს საზოგადოებას, როდესაც საგანგებო მდგომარეობის და პანდემიის პირობებში ატარებენ დისტანციურ გაკვეთილებს და ახლა, ამ მონეტში ძალიან ბევრი მოსწავლე მონაწილეობს ამ პროცესში, იღებს […]

საქართველოში კორონავირუსისგან კიდევ ერთი პაციენტი გარდაიცვალა

საქართველოში კორონავირუსისგან კიდევ ერთი პაციენტი გარდაიცვალა, – ინფორმაციას stopcov.ge ავრცელებს. ამ დროისთვის საქართველოში კორონავირუსის 411 დადასტურებული შემთხვევაა, აქედან 98 გამოჯანმრთელებული პაციენტია. კარანტინის რეჟიმში – 5160 ადამიანი იმყოფება, ხოლო სტაციონარში მეთვალყურეობის ქვეშ – 579.