ჯოზეფ ბორელი და ევროკომისია საქართველოში 26 ოქტომბერს გამართულ საპარლამენტო არჩევნებთან დაკავშირებით ერთობლივ განცხადებას ავრცელებენ

კონსტრუქციული და ინკლუზიური დიალოგი პოლიტიკურ სპექტრში ახლა უმნიშვნელოვანესია. 17 ოქტომბრის ევროპული საბჭოს დასკვნების შესაბამისად, ევროკავშირი მოუწოდებს საქართველოს, მიიღოს დემოკრატიული, ყოვლისმომცველი და მდგრადი რეფორმები, ევროპული ინტეგრაციის ძირითადი პრინციპების შესაბამისად, – ამის შესახებ ევროკავშირის უმაღლესი წარმომადგენლის, ჯოზეფ ბორელისა და ევროკომისიის ერთობლივ განცხადებაშია აღნიშნული. „26 ოქტომბერს, შაბათს საქართველოს მოქალაქეებმა ხმა მისცეს საპარლამენტო არჩევნებში. ევროკავშირი ახლოდან აკვირდებოდა საპარლამენტო არჩევნებამდე მოვლენებს, პროცესების განვითარებას. […]

სალომე ზურაბიშვილი ოპოზიციას აქციებისაკენ მოუწოდებს: ჩვენ ერთად უნდა დავდგეთ და გამოვაცხადოთ, რომ არ ვაღიარებთ ამ არჩევნებს

მინდა, ვთქვა, როგორც ამ სახელმწიფოში ერთადერთი დამოუკიდებელი ინსტიტუტი, რომ არ ვაღიარებ ამ არჩევნებს, ამის აღიარება არ შეიძლება, რადგან ეს არის იგივე, რაც აღიარება რუსეთის აქ შემოსვლის. რუსეთის მიმართ საქართველოს დაქვემდებარების. მე ამისთვის არ ჩამოვსულვარ ამ ქვეყანაში, – ამის შესახებ საქართველოს პრეზიდენტმა, სალომე ზურაბიშვილმა განაცხადა. მისი თქმით, ქართველმა ხალხმა უნდა დაიცვას საკუთარი არჩევანი. მან 28 ოქტომბერს, 19:00 […]

ირაკლი კობახიძე: საერთაშორისო სადამკვირვებლო მისიების ხელმძღვანელთა განცხადებებმა ცხადყო, რომ არავითარი ეჭვები და კითხვის ნიშნები არჩევნების ლეგიტიმაციაზე არ არსებობს, არჩევნები შედგა

მოვისმინეთ საერთაშორისო სადამკვირვებლო მისიების ხელმძღვანელების მონაწილეობით პრესკონფერენცია, რამაც ცხადყო, რომ არავითარი ეჭვები და კითხვის ნიშნები არჩევნების ლეგიტიმაციასთან დაკავშირებით არ არსებობს. პირიქით, ხაზგასმით იყო აღნიშნული, რომ ის იყო კონკურენტული და მთლიანობაში ეს შეფასება ასახავს იმ სურათს, რაც არის მოცემული, – ამის შესახებ საქართველოს პრემიერ-მინისტრმა, ირაკლი კობახიძემ განაცხადა. კობახიძის თქმით, არჩევნები იყო კონკურენტული, საარჩევნო პრინციპებთან შესაბამისობაში. „გარდა […]

შალვა პაპუაშვილი: ნოემბრის შუა რიცხვებისთვის უკვე იქნება ცესკო-ს შემაჯამებელი ოქმი და კონსტიტუციით დადგენილ 10 დღის ვადაში პარლამენტი შეიკრიბება თავის პირველ სხდომაზე

საქართველოს პარლამენტის თავმჯდომარემ, შალვა პაპუაშვილმა განაცხადა, რომ აღარ არსებობს კითხვის ნიშნები არჩევნების ლეგიტიმაციასთან დაკავშირებით, რაზეც ოპოზიცია საუბრობს. პაპუაშვილმა აღნიშნა, რომ ნოემბრის შუა რიცხვებისთვის იქნება ცენტრალური საარჩევნო კომისიის შემაჯამებელი ოქმი და კონსტიტუციით დადგცენილი ათი დღის ვადაში ახალი პარლამენტი შეიკრიბება პირველ სხდომაზე. „ჩვენ მანამდე ვიხილეთ შუალედური ანგარიში, რომელიც ასახავდა წინასაარჩევნო პერიოდს და ვნახეთ, რომ წინასაარჩევნო პერიოდი აღწერილი […]

ეუთო-ს კოორდინატორმა, პასკალ ალიზარდმა საქართველოში 26 ოქტომბერს გამართული არჩევნები შეაჯამა

არჩევნების დღეს ხმის მიცემა კარგად იყო ორგანიზებული, პროცესი იყო უკვე კარგად ადმინისტრირებული და აქ უნდა აღინიშნოს, რომ საკმაოდ აქტიურად ხორციელდებოდა ამომრჩევლების განათლება და ინფორმირება ახალი ტექნოლოგიების გამოყენების შესახებ, უნდა აღინიშნოს მნიშვნელოვანი დისბალანსი ფინანსური რესურსების მხრივ და ხელისუფლებაში მყოფი პარტიის უპირატესობა უკვე ქმნიდა არათანაბარ სამოქმედო სივრცეს, – ამის შესახებ ეუთო-ს კოორდინატორი პასკალ ალიზარდმა განაცხადა. პასკალ ალიზარდმა […]

ცესკო-ს თავმჯდომარე: ელექტრონული ტექნოლოგიების დანერგვა წარმატებით განხორციელდა

“საქართველოში საარჩევნო პროცესში ელექტრონული ტექნოლოგიების დანერგვა წარმატებით განხორციელდა. საარჩევნო ადმინისტრაციის თითქმის ორწლიანმა დაუღალავმა შრომამ შესაბამისი შედეგი გამოიღო და დღეს სიამაყით შეგვიძლია განვაცხადოთ, რომ ჩვენს მიერ პროცესის დაგეგმარება და ორგანიზება ყველა ეტაპზე იყო სწორად წარმართული. ჩემი სიტყვების დასადასტურებლად კი რამდენიმე სტატისტიკურ მონაცემს მოგიყვანთ. 26 ოქტომბრის არჩევნების დღეს საერთო ჯამში გამოყენებული იყო 15 000-მდე აპარატი, საიდანაც მხოლოდ […]

ცესკომ საარჩევნო უბნების თითქმის 100%-ის მონაცემები გამოაქვეყნა: „ქართულ ოცნებას“ ხმების 54.086% აქვს (1 117 480 ხმა) მიღებული

ცესკო-ს ვებგვერდზე ამ დროისათვის (27 ოქტომბერი, 11:45სთ) გამოქვეყნებული წინასწარი მონაცემებით, „ქართული ოცნება – დემოკრატიულ საქართველოს“ ხმების 54.086 პროცენტი აქვს (1 117 480 ხმა) მიღებული. ეს არის 3100 საარჩევნო უბნის მონაცემები, სულ არსებული 3111 საარჩევნო უბნიდან – 99.646%. დარჩენილია მხოლოდ 11 უბნის მონაცემების გამოქვეყნება, რაც არსებითად ვერ იმოქმედებს უკვე არსებულ შედეგზე. რაც შეეხება სხვა პარტიებს, 5%-იანი […]

ცესკომ საარჩევნო უბნების 97%-ის მონაცემები გამოაქვეყნა: „ქართულ ოცნებას“ ხმების 54.243% აქვს (1 087 801 ხმა) მიღებული

ცესკო-ს ვებგვერდზე ამ დროისათვის (27 ოქტომბერი, 07:45სთ) გამოქვეყნებული წინასწარი მონაცემებით, „ქართული ოცნება – დემოკრატიულ საქართველოს“ ხმების 54.243 პროცენტი აქვს (1 087 801 ხმა) მიღებული. ეს არის 3018 საარჩევნო უბნის მონაცემები, სულ არსებული 3111 საარჩევნო უბნიდან – 97.011%. რაც შეეხება სხვა პარტიებს, 5%-იანი ბარიერი გადალუხული აქვს ოთხ ოპოზიციურ გაერთიანებას, მათი მონაცემები ამ დროისთვის, ასეთია: „კოალიცია ცვლილებისთვის გვარამია, […]

გიორგი კალანდარიშვილმა საქართველოს პარლამენტის არჩევნების პირველადი წინასწარი შედეგები წარადგინა

ცესკოს თავმჯდომარემ საქართველოს პარლამენტის არჩევნების პირველადი წინასწარი შედეგები წარადგინა “დღევანდელი დღე ისტორიული მნიშვნელობისაა ჩვენი ქვეყნისთვის და ჩვენთვის, საარჩევნო ადმინისტრაციისთვის. სწორედ დღეს, პირველად გამოვიყენეთ ასეთი ფართო მასშტაბით საარჩევნო ელექტრონული აპარატები და დღის ბოლოს უკვე შეგვიძლია თამამად ვთქვათ, არჩევნები შედგა – არჩევნების მოდერნიზების ეს ეტაპი  წარმატებით განხორციელდა. არჩევნებმა მშვიდ და თავისუფალ გარემოში ჩაიარა. ამომრჩეველთა აქტივობა და ის […]

ცესკო: 69 პროცენტის დათვლის შემდეგ საპარლამენტო არჩევნებში „ქართული ოცნება“ 52,94 პროცენტით ლიდერობს

2 137 საარჩევნო უბნის შედეგების მიხედვით, ხუთპროცენტიანი ბარიერი გადალახა ხუთმა პარტიამ. კერძოდ: „ქართული ოცნება“ – 52,94 პროცენტი; „კოალიცია ცვლილებისთვის გვარამია, მელია, გირჩი, დროა“ – 11,19 პროცენტი; „ერთიანობა – ნაციონალური მოძრაობა“ – 9, 79 პროცენტი; ძლიერი საქართველო – ლელო, ხალხისთვის, თავისუფლებისთვის“ – 9,05 პროცენტი; „გახარია საქართველოსთვის“ – 8,26 პროცენტი; სულ არსებული 3 111 უბნიდან დათვლილია თითქმის 69 პროცენტი.