პარლამენტმა საკონსტიტუციო ცვლილებები მესამე მოსმენით დაამტკიცა

პარლამენტმა საკონსტიტუციო ცვლილებებს კენჭი მესამე მოსმენით დაამტკიცა. კანონპროექტს მხარი დაუჭირა 117-მა დეპუტატმა, 3-მა კი წინააღმდეგ მისცა ხმა. რეგისტრაცია გაიარა 120-მა დეპუტატმა. კენჭისყრაში მონაწილეობა არ მიუღიათ „ევროპული საქართველოსა“ და „ნაციონალური მოძრაობის“ წარმომადგენლებს. კანონპროექტის მიხედვით, 2020 წლის საპარლამენტო არჩევნები შერეული სისტემით ჩატარდება, რაც იმას ნიშნავს, რომ პარლამენტში აირჩევენ 120 წევრს პროპორციული და 30 წევრს მაჟორიტარული საარჩევნო სისტემით. […]

საქართველოში კორონავირუსით კიდევ 2 ადამიანი დაინფიცირდა, 6 კი გამოჯანმრთელდა

საქართველოში კორონავირუსით კიდევ 2 ადამიანი დაინფიცირდა, 6 კი გამოჯანმრთელდა. ინფორმაციას ვებ-გვერდი StopCov.ge აქვეყნებს. ქვეყანაში კორონავირუსი სულ 926 ადამიანს დაუდასტურდა, აქედან 791 უკვე გამოჯანმრთელდა, 15 ადამიანი კი გარდაიცვალა. კარანტინის რეჟიმში 2687 ადამიანი რჩება, სტაციონარში მეთვალყურეობის ქვეშ კი – 207.

პარლამენტი საკონსტიტუციო ცვლილებებს მესამე მოსმენით დღეს უყრის კენჭს

პარლამენტში საკონტიტუციო ცვლილებების მესამე და საბოლოო კენჭისყრა დღეს გაიმართება. ამ დრომდე პოზიციის შეცვლას არ აპირებს საპარლამენტო ოპოზიციის ნაწილი. „ევროპული საქართველო“ და „ნაციონალური მოძრაობა“ კენჭისყრაში მონაწილეობას არ გეგმავენ და ამბობენ, რომ გიორგი რურუას გათავისუფლების გარეშე საკონსტიტუციო ცვლილებებს მათი მხარდაჭერა არ ექნება. ცვლილებებს მხარს უჭერენ „პატრიოტთა ალიანსი“, „დამოუკიდებელი დეპუტატები“ და საპარლამენტო უმრავლესობა, რომელთა ხმებიც ცვლილებების მისაღებად საკმარისი […]

სრულიად საქართველოს კათოლიკოს-პატრიარქის ქადაგება: შვილებს უნდა ასწავლოთ, უნდა გააფრთხილოთ და უნდა გვახსოვდეს, რომ ადამიანი, რომელიც თავს იკლავს, თავის ხელით აძლევს თავის სულს ეშმაკს

“ჩვენთან არს ღმერთი! ღმერთმა დაგლოცოთ, გაგახაროთ, გაგაძლიეროთ. დღეს სახარება გვეუბნება ჩვენ იმის შესახებ, თუ რა არის მთავარი. ადამიანმა უნდა იფიქროს, ცხოვვრებაში მთავარი რა არის, რა არის მარადიული და რა არის დროებითი.  სასუფეველი ღვთისა არის მთავარი, მარადიული, დაუსრულებელი და ჩვენ ყველაფერი უნდა გავაკეთოთ იმისათვის, რომ მკვიდრნი გავხდეთ სასუფევლისა.  ჩემი სტუდენტობისას ერთი შემთხვევა იყო: მოიტანეს სასულიერო აკადემიაში […]

გიორგი შაქარაშვილის გარდაცვალების საქმეზე ბრალდებულ 17-ვე პირს სასამართლომ აღკვეთის ღონისძიების სახით პატიმრობა შეუფარდა

ფეხბურთელ გიორგი შაქარაშვილის გარდაცვალების საქმეზე ბრალდებულ 17-ვე პირს მცხეთის რაიონულმა სასამართლომ აღკვეთის ღონისძიების სახით პატიმრობა შეუფარდა, რითაც პროკურატურის შუამდგომლობა დააკმაყოფილა. ადვოკატების ნაწილმა მათი დაცვის ქვეშ მყოფების აღკვეთის გარეშე დატოვება მოითხოვა, ნაწილმა კი გირაოს შუამდგომლობა დააყენა. მცხეთის რაიონულ სასამართლოში პროცესი დახურულ რეჟიმში მიმდინარეობდა, რადგან საქმეში ექვსი ბრალდებული არასრულწლოვანია. პროკურატურამ გიორგი შაქარაშვილის გარდაცვალების საქმეზე დაკავებულ ჩვიდმეტივე პირს […]

პროკურატურამ გიორგი შაქარაშვილის საქმეზე დაკავებული ჩვიდმეტივე პირის მიმართ აღკვეთის ღონისძიებად პატიმრობის შუამდგომლობით სასამართლოს მიმართა

საქართველოს პროკურატურამ გიორგი შაქარაშვილის საქმეზე დაკავებული ჩვიდმეტივე პირის მიმართ აღკვეთის ღონისძიებად პატიმრობის შუამდგომლობით სასამართლოს მიმართა. საქართველოს პროკურატურა ამის შესახებ განცხადებას და ვიდეომასალას ავრცელებს. საქართველოს პროკურატურა სამძიმარს უცხადებს გიორგი შაქარაშვილის ოჯახს და ახლობლებს და ღრმა მწუხარებას გამოთქვამს მომხდარი ტრაგედიის გამო. უწყების ცნობით, საქართველოს პროკურატურამ, გიორგი შაქარაშვილის გარდაცვალების საქმეზე შინაგან საქმეთა სამინისტროს მიერ ჩატარებული გამოძიების შედეგად, მოპოვებული […]

გიორგი შაქარაშვილის გარდაცვალების საქმეზე ბრალი ვახტანგ ჩიქოვანს წარედგინა

მცხეთის წინასწარი დაკავების იზოლატორში მყოფ ბრალდებულს, ვახტანგ ჩიქოვანს გიორგი შაქარაშვილის გარდაცვალების საქმეზე ბრალი წარედგინა. მას თავისუფლების უკანონო აღკვეთას, ძალადობას და ჯგუფური ძალადობის ორგანიზებას ედავებიან. 19 წლის ფეხბურთელის, გიორგი შაქარაშვილის გარდაცვალების საქმეზე 17 პირი არის დაკავებული.

საქართველოში კორონავირუსის ორი ახალი შემთხვევა დაფიქსირდა, გამოჯანმრთელდა ერთი პაციენტი

საქართველოში კორონავირუსის ორი ახალი შემთხვევა გამოვლინდა. ინფორმაციას მთავრობის სპეციალური ვებგვერდი stopcov.ge ავრცელებს. ამავე ვებგვერდის ინფორმაციით, ამ დროისთვის საქართველოში კორონავირუსის 921 შემთხვევაა დადასტურებული. გამოჯანმრთელდა კიდევ ერთი პაციენტი, შესაბამისად, გამოჯანმრთელებულთა საერთო რაოდენობა 781-ს შეადგენს. ამასთან, უცხოეთიდან სამკურნალოდ გადმოყვანილია საქართველოს სამი მოქალაქე. კორონავირუსის შედეგად, ქვეყანაში 14 პაციენტი გარდაიცვალა. კარანტინის რეჟიმში 2687 მოქალაქე იმყოფება, ხოლო სტაციონარში მეთვალყურეობის ქვეშ – 207.

„თავისუფლების ინსტიტუტი“ გენდერული კვოტების შემოღებას ეწინააღმდეგება და საკანონმდებლო ცვლილებების შემთხვევაში, საკონსტიტუციო სასამართლოში მის გასაჩივრებას გეგმავს

„თავისუფლების ინსტიტუტი“ გენდერული კვოტების შემოღებასთან დაკავშირებით განცხადებას ავრცელებს. განცხადებას უცვლელად გთავაზობთ: „თავისუფლების ინსტიტუტი“ ეწინააღმდეგება გენდერული კვოტების შემოღებას და საკანონმდებლო ცვლილებების შემთხვევაში გეგმავს საკონსტიტუციო სასამართლოში მის გასაჩივრებას. „ქართული ოცნების“ ინიციატივის მიხედვით, პოლიტიკურ პარტიების საარჩევნო სიების შედგენისას სახელმწიფომ უნდა განსაზღვროს სიის გენდერული შემადგენლობა. „თავისუფლების ინსტიტუტი“ თვლის, რომ ეს ინიციატივა არა მარტო არ უზრუნველყოფს ქალთა გაძლიერებას, არამედ აზიანებს დემოკრატიის, […]

მირიან ნიკოლაძე: „მოგვეხსენება ალკოჰოლის ზემოქმედების ქვეშ მყოფი ბავშვების ფსიქოლოგია, ამიტომაც არ გამიკვირდება, რომ კონფლიქტის მიზეზი იყოს უმნიშვნელო“

გიორგი შაქარაშვილის ნაცნობი და მეგობარი იყვნენ მხოლოდ გურამ ამირხანაშვილი და მასპინძელი გოგონა, დანარჩენი პირები იყვნენ გიორგისთვის უცნობი ადამიანები – განაცხადა გარდაცვლილი ფეხბურთელის, 19 წლის გიორგი შაქარაშვლის ბიძამ, იურისტმა, მირიან ნიკოლაძემ „ტვ პირველის“ ეთერში. „მათ გარდა ხუთი ადამიანი მან გაიცნო გზაზე მსვლელობისას, როდესაც ისინი ელოდებოდნენ ტაქსის გაჩერებას, რაც შეეხება ჩვენს კონტაქტს აღნიშნულ პირებთან, ჩემი კატეგორიული თხოვნა იყო […]