უწყებათშორისი სამთო მომზადების ზაფხულის საბაზისო კურსი დასრულდა

თავდაცვის სამინისტროს საჩხერის სამთო მომზადების სკოლაში უწყებათშორისი სამთო მომზადების ზაფხულის საბაზისო კურსი დასრულდა. სამთო სწავლება თავდაცვის ძალების სპეციალური ოპერაციების ძალების სამხედროებმა და სკოლის პირადმა შემადგენლობამ შსს-ს სტრატეგიული მილსადენების დაცვის დეპარტამენტის მოსამსახურეებთან ერთად გაიარეს.  სამთო მომზადების ზაფხულის საბაზისო კურსი სამი კვირის განმავლობაში საჩხერესა და ჭიათურაში მდებარე სასწავლო უბნებზე მიმდინარეობდა. კურსს საჩხერის სამთო მომზადების სკოლის ინსტრუქტორები უძღვებოდნენ. […]

საქართველოში კორონავირუსის 8 ახალი შემთხვევა დაფიქსირდა, 5 პაციენტი კი გამოჯანმრთელდა

საქართველოში კორონავირუსის რვა ახალი შემთხვევა გამოვლინდა. გამოჯანმრთელდა კიდევ ხუთი პაციენტი. ინფორმაციას მთავრობის სპეციალური ვებ-გვერდი stopcov.ge ავრცელებს. ამავე ვებ-გვერდის ინფორმაციით, ამ დროისთვის საქართველოში კორონავირუსის 981 შემთხვევაა დადასტურებული, გამოჯანმრთელებულთა რაოდენობა კი 851-ს შეადგენს. ამასთან, უცხოეთიდან სამკურნალოდ გადმოყვანილია საქართველოს 31 მოქალაქე. კორონავირუსის შედეგად, ქვეყანაში 15 პაციენტი გარდაიცვალა. კარანტინის რეჟიმში 4851 მოქალაქე იმყოფება, ხოლო სტაციონარში მეთვალყურეობის ქვეშ – 231.

პირველკლასელთა რეგისტრაციის მეოთხე ეტაპი 13 ივლისიდან დაიწყება და 31 აგვისტოს დასრულდება

საქართველოს განათლების, მეცნიერების, კულტურისა და სპორტის მინისტრის, მიხეილ ჩხენკელის ბრძანებით, პირველკლასელთა რეგისტრაციის მეოთხე ეტაპი 20 აგვისტოს ნაცვლად, 13 ივლისიდან დაიწყება და 31 აგვისტოს დასრულდება. „ახალი კორონავირუსის პანდემიისა და ეპიდემიურად არაკეთილსაიმედო მდგომარეობის გათვალისწინებით, როგორც ცნობილია, საჯარო სკოლის პირველ კლასში მოსწავლის ჩასარიცხად ელექტრონული რეგისტრაციის და აუცილებელი დოკუმენტების წარდგენის ვადები გახანგრძლივდა. კერძოდ, პირველი, მეორე და მესამე ეტაპების დასრულების შემდეგ, […]

ჩვენ წელს ერთად უნდა გავაძლიეროთ ტურიზმი, „ვიმოგზაუროთ საქართველოსთვის,“ ერთად აღმოვაჩინოთ ახალი ადგილები – გიორგი გახარია დაშბაშის კანიონზე იმყოფებოდა

ჩვენ წელს ერთად უნდა გავაძლიეროთ ტურიზმი, უნდა „ვიმოგზაუროთ საქართველოსთვის,” ვიყოთ ჩვენი ქვეყნის მოგზაურები, ერთად აღმოვაჩინოთ ახალი ადგილები, მათ შორის დაშბაშის კანიონიც უნდა გახდეს ერთ-ერთი დანიშნულების ადგილი, – განაცხადა საქართველოს პრემიერ მინისტრმა გიორგი გახარიამ ალგეთის დაცულ ტერიტორიებზე სტუმრობისას. მთავრობის მეთაურმა გარემოს დაცვისა და სოფლის მეურნეობის მინისტრ ლევან დავითაშვილთან, ქვემო ქართლის რეგიონის გუბერნატორ შოთა რეხვიაშვილთან და ტურიზმის […]

გიორგი შაქარაშვილის გარდაცვალების საქმესთან დაკავშირებით ნიკა გვარამია შსს-ში დაიბარეს

გიორგი შაქარაშვილის გარდაცვალების საქმესთან დაკავშირებით, მთავარი არხის გენერალური დირექტორი ნიკა გვარამია შინაგან საქმეთა სამინისტროში გამოკითხვაზე დაიბარეს. ინფორმაციას შსს ავრცელებს. უწყების განმარტებით, გამოძიების ინტერესის საგანია, თუ რა ინფორმაციას ფლობს ნიკა გვარამია, როგორც მთავარი არხის გენერალური დირექტორი, არხის ეთერში გიორგი შაქარაშვილის საქმესთან დაკავშირებით გაჟღერებული გარემოებების შესახებ.

პროკურატურა გიორგი შაქარაშვილის სიკვდილის მიზეზს ასახელებს

პროკურატურის ინფორმაციით, გიორგი შაქრაშვილის სიკვდილის მიზეზია ასფიქსია წყალში დახრჩობით. „მაღალი საჯარო ინტერესის გათვალისწინებით, გვსურს საზოგადოებას მივაწოდოთ ინფორმაცია გიორგი შაქარაშვილის გარდაცვალების ფაქტზე, შინაგან საქმეთა სამინისტროში მიმდინარე გამოძიების ფარგლებში ჩატარებული სასამართლო-სამედიცინო ექსპერტიზის შედეგების შესახებ და, აქედან გამომდინარე, მიღებული სამართლებრივი გადაწყვეტილების თაობაზე. ექსპერტიზის დასკვნის თანახმად, გიორგი შაქარაშვილის სიკვდილის მიზეზია ასფიქსია წყალში დახრჩობით. ამავდროულად, გიორგი შაქარაშვილის ცხედარზე აღინიშნება სიკვდილის […]

გიორგი გახარია: „ქართული ოცნებისთვის“ სიგნალი არის ის შეფასებები, რომლებიც ბოლო წლების განმავლობაში საერთაშორისო პლატფორმებზე გაკეთებულა, მათ შორის აშშ-ის მხრიდან

დემოკრატიზაციისა და კორუფციასთან ბრძოლის თვალსაზრისით, საქართველოს პროგრესს არაფერი ემუქრება, – განაცხადა საქართველოს პრემიერ მინისტრმა გიორგი გახარიამ. მან ჟურნალისტების კითხვის საპასუხოდ, რომელიც აშშ-ის კონგრესის წარმომადგენელთა პალატის ასიგნებათა კომიტეტის დამტკიცებულ კანონპროექტს შეეხებოდა, განაცხადა, რომ „ქართული ოცნებისთვის“ სიგნალი არის ის შეფასებები, რომლებიც ბოლო წლების განმავლობაში საერთაშორისო პლატფორმებზე გაკეთებულა, მათ შორის ამერიკის შეერთებული შტატების მხრიდან. „ქართული ოცნებისთვის“ სიგნალი არის ის შეფასებები, რომლებიც […]

გიორგი გახარია: „არანაირი მნიშვნელობა არ აქვს მე რომელი ნომერი ვიქნები სიაში, მთავრობის ძირითადი ამოცანა დღეს არის, პირველ რიგში, პანდემია“

საქართველოს პრემიერ მინისტრმა, გიორგი გახარიამ განაცხადა, რომ 2020 წლის საპარლამენტო არჩევნებზე ბიძინა ივანიშვილის „ქართული ოცნების“ პარტიულ სიაში ყოფნა სრულიად ლოგიკურია, თუმცა პრემიერს არ დაუკონკრეტებია თუ ვინ იქნება მმართველი პარტიის სიის პირველი ნომერი. „რა თქმა უნდა, ბატონი ბიძინა ივანიშვილი არის „ქართული ოცნების“ დამფუძნებელი და მისი თავმჯოდმარე, რა თქმა უნდა“, უთხრა ჟურნალისტებს გახარიამ ცოტა ხნის წინ ასურეთში […]

აშშ-ის უზენაესმა სასამართლომ დაადგინა, რომ პრეზიდენტმა ტრამპმა უნდა გამოაქვეყნოს თავისი ფინანსური ანგარიშები

ამერიკის შეერთებული შტატების უზენაესმა სასამართლომ დაადგინა, რომ პრეზიდენტმა ტრამპმა უნდა გამოაქვეყნოს თავისი ფინანსური ანგარიშები, რომელიც ნიუ იორკის პროკურორების მიერ იქნება შესწავლილი. აღნიშნულ საქმესთან დაკავშირებით სასამართლომ ასევე დაადგინა, რომ ტრამპმა არ უნდა გაუზიაროს ეს ინფორმაცია კონგრესს. ტრამპი, ყოფილი ბიზნესმენი, რიჩარდ ნიქსონის შემდეგ პირველი პრეზიდენტია, რომელსაც თავისი საგადასახადო დეკლარაცია საჯარო არ გაუხდია. მისი ადვოკატები ამტკიცებდნენ, რომ იგი […]

საქართველოში კორონავირუსის 5 ახალი შემთხვევა დაფიქსირდა, 2 პაციენტი კი გამოჯანმრთელდა

საქართველოში კორონავირუსის 5 ახალი შემთხვევა დაფიქსირდა. ინფორმაციას ვებ-გვერდი stopcov.ge ავრცელებს. ამავე ვებ-გვერდის ინფორმაციით, ამ დროისთვის საქართველოში კორონავირუსის 973 შემთხვევაა დადასტურებული. გამოჯანმრთელდა კიდევ ორი პაციენტი – სულ გამოჯანმრთელებულთა რაოდენობა 846-ს შეადგენს. უცხოეთიდან სამკურნალოდ გადმოყვანილ საქართველოს მოქალაქეთა რიცხვი 31-ს შეადგენს. კორონავირუსის შედეგად, ქვეყანაში 15 პაციენტი გარდაიცვალა. კარანტინის რეჟიმში 4851 მოქალაქე იმყოფება, ხოლო სტაციონარში მეთვალყურეობის ქვეშ – 231.