სალომე ზურაბიშვილმა იუნკერებს მიმართა: „გამარჯვებაა ის, რომ დღეს მე იმ ემიგრაციის წარმომადგენელი ვდგავარ თქვენს წინაშე, როგორც თქვენი პრეზიდენტი “

საქართველოს პრეზიდენტმა საქართველოს თავდაცვის ძალების უმაღლესმა მთავარსარდალმა სალომე ზურაბიშვილმა გორში, საქართველოს ეროვნული თავდაცვის აკადემიაში გენერალ კვინიტაძისა და საქართველოს თავისუფლებისა და დამოუკიდებლობისათვის ბრძოლაში დაღუპულ მებრძოლთა მემორიალი გვირგვინით შეამკო და იუნკერებს მიმართა. “25 თებერვალი, სწორედ ასეთი იყო ეს დღე 1921 წელს, როცა მტრის არმია თბილისში შემოდიოდა. ეს იყო იმ ღირსეული ბრძოლის დასასრული, სადაც თქვენი წინამორბედები ღირსეულად იბრძოდნენ კოჯორსა და ტაბახმელაში. […]

საბჭოთა ოკუპაციის დღესთან დაკავშირებით თავდაცვის უწყებაში სახელმწიფო დროშები დაუშვეს

25 თებერვალი, საქართველოს პარლამენტის 2010 წლის 21 ივლისის დადგენილების თანახმად, საქართველოს საბჭოთა ოკუპაციის დღედ არის გამოცხადებული. დღეს საქართველოს მთელ ტერიტორიაზე დაშვებულია სახელმწიფო დროშები. საქართველოს სახელმწიფო და თავდაცვის ძალების დროშები ღამით დაეშვა თავდაცვის სამინისტროსა და თავდაცვის ძალების ყველა ქვედანაყოფშიც. 1921 წლის 25 თებერვალს რუსეთის წითელმა არმიამ თბილისი აიღო და საქართველოს დემოკრატიული რესპუბლიკის ანექსია განახორციელა. დღევანდელ დღეს […]

აშშ-ის საელჩო: დღეს, საბჭოთა ოკუპაციის დაწყებიდან 99 წლის შემდეგ, შეერთებული შტატები საქართველოს გვერდით დგას

დღეს, საბჭოთა ოკუპაციის დაწყებიდან 99 წლის შემდეგ, შეერთებული შტატები საქართველოს გვერდით დგას მძიმე ბრძოლით მოპოვებული სუვერენიტეტისა და ტერიტორიული მთლიანობის დასაცავად. დიდმა ქართველმა მწერალმა, მიხეილ ჯავახიშვილმა აღწერა, როგორი იყო იმ დროებაში ცხოვრება. ჩვენ არასდროს დავივიწყებთ მის სიტყვებს: „25 თებერვალს მე ვიგრძენი, თუ როგორ შემოვიდა ტანში მჭრელი მახვილი, რომელიც მას აქეთ დღითიდღე უფრო ღრმად მერჭობა. გაფითრებული ვარ […]

საქართველოს კალათბურთელთა ნაკრები ბელგრადში, სერბეთის ნაკრებთან გამარჯვების შემდეგ თბილისში დაბრუნდა

ილიას ზუროსის გაწვრთნილმა გუნდმა მსოფლიო კალათბურთის ერთ-ერთ გრანდს, სერბეთის ნაკრებს ევროპის 2021 წლის ჩემპიონატის შესარჩევი ეტაპის მატჩში 94:90 მოუგო და ორი მატჩიდან ორი გამარჯვების შემდეგ E-ჯგუფის ერთპიროვნული ლიდერია. თბილისში დაბრუნებულ საქართველოს ნაკრებს აეროპორტში დახვდნენ და ისტორიული გამარჯვება მიულოცეს – განათლების, მეცნიერების, კულტურისა და სპორტის მინისტრის მოადგილე შალვა გოგოლაძემ და სპორტის განვითარების დეპარტამენტის უფროსმა ირაკლი დოლაბერიძემ. […]

შალვა კიკნაველიძე: ადამიანის უფლებების დაცვა წარმოადგენს უწყვეტ პროცესს, რომელშიც მიღწეული პროგრესის მიუხედავად, სახელმწიფო მუდმივად უნდა მიისწრაფოდეს სტანდარტის შემდგომი გაუმჯობესებისკენ

ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე კომიტეტის თავმჯდომარის პირველი მოადგილე შალვა კიკნაველიძე ერთ-ერთ წინა სხდომაზე განხილული სახალხო დამცველის სპეციალური ანგარიშის თემას შეეხო. „სახალხო დამცველი მოვიდა სპეციალური ანგარიშით კომიტეტის სხდომაზე, რომელზეც ასევე სპეციალური ანგარიში წარმოადგინა იუსტიციის მინისტრმა პენიტენციურ სისტემებში არსებულ მდგომარეობასთან დაკავშირებით. კომიტეტმა ორივე მხარის მოსაზრებები მოისმინა. პენიტენციურ სისტემაში არ იკვეთება სისტემური ხასიათის დარღვევები, […]

ბიუროს სხდომაზე პარლამენტის 4 – 6 მარტის პლენარული სხდომების დღის წესრიგზე იმსჯელეს

პარლამენტის 4 – 6 მარტის პლენარული სხდომების დღის წესრიგზე იმსჯელეს ბიუროს სხდომაზე, რომელსაც პარლამენტის თავმჯდომარე არჩილ თალაკვაძე უძღვებოდა. პლენარულ სხდომებზე განსახილველ საკითხთა ნუსხას ორი ახალი საკითხი დაემატა: მინისტრის საათი, რომელზეც დაგეგმილია მთავრობის წევრის, ვიცე-პრემიერის, რეგიონული განვითარებისა და ინფრასტრუქტურის მინისტრის მაია ცქიტიშვილის გამოსვლა და პარლამენტის დადგენილების პროექტი „საერთო სასამართლოებში კლანური მმართველობის შეფასების თაობაზე“, რომელიც პარლამენტის წევრების: […]

მიხეილ ჩხენკელი: „საქართველო არა მხოლოდ ევროპის ნაწილია, არამედ ძალიან დიდი წვლილი აქვს შეტანილი ევროპული კულტურისა და ევროპული ფასეულობების შექმნაში“

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა და თბილისის მერმა კახი კალაძემ, საქართველოს ადგილობრივ თვითმმართველობათა ეროვნული ასოციაციის პრეზიდენტის რანგში ხელი მოაწერეს ევროპის საბჭოს კულტურული მარშრუტების პროგრამის თანამშრომლობის მემორანდუმს. „ევროპის საბჭოს კულტურული მარშრუტების პროგრამის თანამშრომლობის მემორანდუმი ჩვენს ქვეყანაში ტურიზმის განვითარების თვალსაზრისით მძლავრი სტიმული იქნება. ჩვენი ქვეყნის სტუმრები შეძლებენ აღმოაჩინონ საქართველო, როგორც უმდიდრესი კულტურისა და […]

ბიძინა ივანიშვილი ეროვნულ-დემოკრატიული ინსტიტუტის (NDI) პრეზიდენტს, დერეკ მიტჩელს შეხვდა

პოლიტიკური გაერთიანება „ქართული ოცნება – დემოკრატიული საქართველოს“ თავმჯდომარე, ბიძინა ივანიშვილი ეროვნულ-დემოკრატიული ინსტიტუტის (NDI) პრეზიდენტს, დერეკ მიტჩელს შეხვდა. „ქართული ოცნების“ პრესსამსახურის ინფორმაციით, პარტიის ცენტრალურ ოფისში გამართულ შეხვედრაზე ქვეყანაში მიმდინარე პოლიტიკურ პროცესებსა და წინასაარჩევნო გარემოზე ისაუბრეს.  

საქართველოს პრემიერ-მინისტრმა და NDI-ის პრეზიდენტმა საარჩევნო წლის განმავლობაში კოორდინირებული თანამშრომლობის აუცილებლობაზე ისაუბრეს

საქართველოში NDI-ის საქმიანობის სხვადასხვა მიმართულებები განიხილეს საქართველოს პრემიერ-მინისტრმა გიორგი გახარიამ და NDI-ის პრეზიდენტმა დერეკ მიჩელმა მთავრობის ადმინისტრაციაში გამართულ შეხვედრაზე. საუბრისას განსაკუთრებით აღინიშნა აშშ-საქართველოს სტრატეგიული პარტნიორობის მაღალი დონე. ყურადღება გამახვილდა ქვეყანაში საარჩევნო წლის განმავლობაში კოორდინირებული თანამშრომლობის აუცილებლობაზე. შეხვედრაზე ხაზი გაესვა NDI-ის პრეზიდენტის დროულ ვიზიტს საქართველოში, რამდენადაც, საარჩევნო კამპანია მალე აქტიურ ფაზაში შევა. საუბარი შეეხო ადგილობრივი თვითმმართველობებისა […]

საქართველოში მოქმედმა ჩინურმა კომპანიებმა კორონავირუსის პრევენციისა და საკარანტინო პირობების დაცვასთან დაკავშირებით ინფორმაცია წარმოადგინეს

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ხელმძღვანელობა და ჯანდაცვის სამინისტროს წარმომადგენელი დღეს იმ ჩინური კომპანიების წარმომადგენლებს შეხვდნენ, რომლებიც სხვადასხვა მონაკვეთზე, საგზაო სამშენებლო პროექტებს ახორციელებენ. კომპანიებმა წარმოადგინეს ინფორმაცია თუ როგორ იცავენ ჯანდაცვის მსოფლიო ორგანიზაციის და საქართველოს ჯანდაცვის სამინისტროს რეკომენდაციებს ვირუსის პრევენციისა და საკარანტინო პირობების დაცვასთან მიმართებაში. „დღეს მივიღეთ დეტალური ინფორმაცია კომპანიების მხრიდან თუ […]