საქართველოში კორონავირუსით ინფიცირების მეათე შემთხვევა დადასტურდა – ინფიცირებული ამირან გამყრელიძის შვილია

საქართველოში კორონავირუსის კიდევ ერთი შემთხვევა დადასტურდა. აღნიშნულის შესახებ შესახებ ინფექციური საავადმყოფოს სამედიცინო დირექტორმა, მარინა ეზუგბაიამ განაცხადა. მისი თქმით, მეათე ინფიცირებული ამირან გამყრელიძის შვილი, ნიკოლოზ გამყრელიძეა. „როგორც გუშინ უკვე გახდა ცნობილი, იქიდან გამომდინარე, რომ მე მქონდა კონტაქტი ჩემს თანამშრომელთან რომელსაც ოთხშაბათს დაუდგინდა კორონა ვირუსი, თავისთავად მეც და ყველა ის ადამიანი ვისთანაც ჰქონდა მას კონტაქტი გადავედით თვით იზოლაციის რეჟიმში. კონტაქტიდან გამონდინარე და […]

თბილისში, ჭავჭავაძის გამზირის რეაბილიტაციის ბოლო ეტაპის სამუშაოები იწყება

ჭავჭავაძის გამზირის სრული რეაბილიტაციის ფარგლებში, ხვალიდან ბოლო, მეოთხე ეტაპის სამუშაოები იწყება. სამუშაოები ყიფშიძის ქუჩიდან ვაკის პარკამდე არსებულ საგზაო მონაკვეთზე ჩატარდება, რაც დაახლოებით, 350 მეტრია. პროექტის ფარგლებში, გამოიცვლება მიწისქვეშა კომუნიკაციები: სანიაღვრე, წყლისა და წყალარინების ქსელები, გაზსადენი, ამის შემდეგ კი ასფალტის საფარის ქვედა ფენა დაიგება. აღნიშნული მონაკვეთის რეაბილიტაცია დაახლოებით, ორი თვე გაგრძელდება. კავსაძის ქუჩიდან ყიფშიძის ქუჩამდე არსებულ […]

მთავრობის გადაწყვეტილებით, საზღვარზე საქართველოსა და უცხო ქვეყნის მოქალაქეებისთვის შეზღუდვები დაწესდა და იტალიასთან პირდაპირი ფრენები დროებით შეჩერდა

პრემიერ მინისტრის ხელმძღვანელობით კორონავირუსთან დაკავშირებით მოქმედმა უწყებათაშორისმა საკოორდინაციო საბჭომ მორიგი სხდომა გამართა. საბჭოს სხდომაზე საქართველოს მთავრობის მეთაურმა მოისმინა ინფორმაცია საქართველოში კორონავირუსით ინფიცირებული 9 პაციენტის ჯანმრთელობის მდგომარეობისა და მსოფლიოში არსებული ზოგადი ეპიდემიოლოგიური სიტუაციის შესახებ. სხდომაზე აღინიშნა, რომ ინფიცირებული პაციენტების ჯანმრთელობის მდგომარეობა დამაკმაყოფილებელია. საკოორდინაციო საბჭოს მიეწოდა ინფორმაცია, რომ ამ ეტაპზე კარანტინში რჩება 162 ადამიანი. დღეს საბჭოს წევრებმა […]

ეკატერინე ტიკარაძე: „საჭიროების შემთხვევაში არდადეგები გახანგრძლივდება“

საქართველოს მთავრობა აკვირდება ეპიდემიის მიმდინარეობას და საჭიროების შემთხვევაში, შესაძლოა, არდადეგების გახანგრძლივების გადაწყვეტილებაც მიიღონ. „ჩვენ, ისევე როგორც მთელი მსოფლიო, ვაკვირდებით ეპიდემიის მიმდინარეობას. იმ შემთხვევაში თუ საჭირო გახდება, რა თქმა უნდა, ჩვენ ამ გადაწყვეტილებასაც მივიღებთ“, – განუცხადა ჟურნალისტებს მინისტრმა. 2 მარტიდან 16 მარტამდე სასკოლო არდადეგები გამოცხადდა. სასწავლო პროცესი შეწყდა საბავშვო ბაგა-ბაღებსა და სახელოვნებო სკოლებშიც.

თამარ გაბუნია: „ვირუსი ვრცელდება ევროპის ყველა ქვეყანაში, ამდენად, ერთი კონკრეტული ქვეყნიდან მოგზაურობის შეზღუდვაზე ჯანდაცვის მსოფლიო ორგანიზაცია რეკომენდაციას არ იძლევა“

ახალი კორონავირუსი ვრცელდება ევროპის ყველა ქვეყანაში. ამდენად, ერთი რომელიღაც კონკრეტული ქვეყნიდან მოგზაურობის შეზღუდვასთან დაკავშირებით ჯანმრთელობის მსოფლიო ორგანიზაცია რეკომენდაციას არ იძლევა, – განაცხადა საქართველოს ჯანდაცვის მინისტრის მოადგილემ, თამარ გაბუნიამ. მან საქართველოს მოქალაქეებს მოგზაურობისგან თავის შეკავებისკენ მოუწოდა. „ვირუსი ვრცელდება ევროპაში, ყველა ქვეყანაში, ამენად, ერთი რომელიმე კონკრეტული ქვეყნიდან მოგზაურობების შეზღუდვასთან დაკავშირებით ჯანმრთელობის მსოფლიო ორგანიზაცია რეკომედაციას არ იძლევა, ჩინეთთან, […]

Ryanair-ი თბილისის მიმართულებით რეისებს ამცირებს, ქუთაისის მიმართულებით კი 1 თვით აჩერებს

ირლანდიური ავიაკომპანია Ryanair-ი იტალიიდან საქართველოს მიმართულებით ავიამიმოსვლის შესახებ განცხადებას ავრცელებს. განცხადებაში ნათქვამია, რომ ავიაკომპანია თბილისის მიმართულებით რეისებს ამცირებს, ქუთაისის მიმართულებით კი 1 თვით აჩერებს. „COVID-19-ის გავლენის გამო და სამთავრობო საკუთრებაში არსებული ქართული აეროპორტების მოთხოვნის შესაბამისად, ჩვენ შევაჩერეთ არაერთი ფრენა იტალიიდან საქართველოში. კერძოდ მილანი-თბილისის მიმართულებით რეისები შესრულდება 7 მარტამდე, 8 მარტიდან 7 აპრილამდე კი კვირაში 2 […]

გაერო-ს უშიშროების საბჭოს დახურულ სხდომაზე საქართველოს წინააღმდეგ რუსეთის კიბერთავდასხმებზე ისაუბრეს

გაერო-ს უშიშროების საბჭოზე აშშ-მა, დიდმა ბრიტანეთმა და ესტონეთმა რუსეთის მიერ საქართველოს წინააღმდეგ კიბერთავდასხმების შესახებ ისაუბრეს. როგორც გაერო-ში ესტონეთის მუდმივმა წარმომადგენელმა, სვენ იურგენსონმა განაცხადა, ნათელია, ვინ განახორციელა ჰაკერული თავდასხმები. „ჩვენ კარგად ვხედავთ, რომ რუსეთის სამხედრო სადაზვერვო სამსახურმა განახორციელა ჰაკერული თავდასხმები, ქართველი ხალხის ყოველდღიური ცხოვრების დაზიანების მიზნით. ეს ჰაკერული თავდასხმები რუსეთის მიერ საქართველოს წინააღმდეგ წარმოებული დესტაბილიზაციის კამპანიის ნაწილია“, […]

დამატებით 58 სოფელს, მათ შორის 19 სოფელს საოკუპაციო ხაზთან, მაღალმთიანი დასახლების სტატუსი მიენიჭა

საქართველოს ოკუპირებულ ტერიტორიებთან გამყოფი ხაზის მიმდებარე სოფლების მოსახლეობის ეკონომიკური პირობების გაუმჯობესების და მაღალმთიან მუნიციპალიტეტებში უთანასწორობის აღმოფხვრის მიზნით, „მაღალმთიანი რეგიონების განვითარების შესახებ” საქართველოს კანონში ცვლილებები შედის. კიდევ 58 სოფელს მაღალმთიანი დასახლების სტატუსი მიენიჭება, 25,000-ზე მეტ ადამიანს კი მაღალმთიან დასახლებაში მცხოვრების სტატუსით და მასთან დაკავშირებული შეღავათებით სარგებლობის საშუალება მიეცემა. სტატუსი, სხვა კრიტერიუმების დაკმაყოფილების გარეშე, მიენიჭება 800 მეტრ […]

ეროვნულ ბოტანიკურ ბაღში ახალი ბოტანიკური ცენტრი აშენდება

საქართველოს ეროვნულ ბოტანიკურ ბაღში ახალი ბოტანიკური ცენტრის მშენებლობას საფუძველი ჩაეყარა. ღონისძიებაში მონაწილეობა თბილისის მერმა, კახა კალაძემ მერის მოადგილე მაია ბითაძესთან ერთად  მიიღო. კახა კალაძემ შეკრებილ სტუმრებს სიტყვით მიმართა და ბოტანიკური ცენტრის შექმნის მნიშვნელობაზე ისაუბრა. დედაქალაქის მერმა ბოტანიკური ბაღის შენარჩუნებასა და განვითარებაში შეტანილი წვლილისთვის ბოტანიკური ბაღის თანამშრომლებს, ასევე, საქველმოქმედო ფონდ „ქართუს“ მადლობა გადაუხადა. „დღეს ბოტანიკურ ბაღში […]

EBRD-ის პირველი ვიცე-პრეზიდენტი საქართველოს მიერ მიღწეულ პროგრესს შთამბეჭდავს უწოდებს და ქვეყნის ეკონომიკური ზრდის მაჩვენებელს პოზიტიურად აფასებს

ევროპის რეკონსტრუქციისა და განვითარების ბანკის (EBRD) პირველი ვიცე-პრეზიდენტი საქართველოს მიერ ბოლო პერიოდში მიღწეულ პროგრესს შთამბეჭდავს უწოდებს და ქვეყნის ეკონომიკური ზრდის მაჩვენებელს პოზიტიურად აფასებს, – განაცხადა იურგენ რიგტერნიქმა საქართველოს პრემიერ მინისტრ გიორგი გახარიასთან შეხვედრისას. საუბრისას EBRD-ის პირველმა ვიცე-პრეზიდენტმა განსაკუთრებით გაუსვა  ხაზი ვალუტის გაცვლით კურსთან, მიმდინარე ანგარიშის  დეფიციტთან და ეკონომიკური ზრდის ტემპთან  დაკავშირებით საქართველოში არსებულ დადებით ტენდენციებს. […]