თბილისში, თემქის დასახლებაში ახალგაზრდა ქალის ცხედრის აღმოჩენის შესახებ ინფორმაციას შსს ავრცელებს

თბილისში, თემქის დასახლებაში ცივი იარაღით მიყენებული ჭრილობების შედეგად გარდაცვლილი 20 წლის გოგოს ცხედრის აღმოჩენის შესახებ ოფიციალურ ინფორმაციას ავრცელებს შინაგან საქმეთა სამინისტრო. „დღეს დილით, გამთენიისას, თბილისში, თემქის დასახლებაში, აღმოჩენილ იქნა ახალგაზრდა ქალის ცხედარი, რომელსაც, პირველადი ინფორმაციით, ცივი იარაღით მიყენებული ჭრილობები აღენიშნება. გარდაცვლილი იდენტიფიცირებულია – იგი არის 1997 წელს დაბადებული ა.ნ. შინაგან საქმეთა სამინისტროს თბილისის პოლიციის დეპარტამენტი […]

გარდაბნის მერი რამაზ ბუდაღაშვილი ოჯახური ძალადობის შესახებ გამართულ სამუშაო შეხვედრას დაესწრო

ბავშვთა მიმართ ძალადობის აღმოფხვრის, სოციალური მომსახურების გაუმჯობესებისა და შეზღუდული შესაძლებლობების მქონე ბავშვების დასაცავად ცენტრალური მთავრობის წარმომადგენლები მუნიციპალიტეტების ხელმძღვანელებს შეხვდნენ. სამუშაო შეხვედრა, რომელსაც გარდაბნის მუნიციპალიტეტის მერი რამაზ ბუდაღაშვილი და მერიის სოციალური სამსახურის უფროსი აზა ონიანი ესწრებოდნენ, ბავშვთა და ოჯახური ძალადობის დასაძლევად სახელმწიფო პოლიტიკის განხილვას ემსახურებოდა. მხარეებმა დაუცველი ოჯახების დახმარებისა და ბავშვთა მიმართ ძალადობის აღმოფხვრასთან დაკავშირებულ საკითხებზე […]

პარლამენტმა „მაუწყებლობის შესახებ“ კანონპროექტზე პრეზიდენტის ვეტო დაძლია

პარლამენტმა „მაუწყებლობის შესახებ“ საკანონმდებლო პაკეტზე პრეზიდენტ გიორგი მარგველაშვილის მიერ წარდგენილი მოტივირებული შენიშვნები არ გაიზიარა. საკანონმდებლო ორგანომ 83 მომხრე ხმით, 13-ის წინააღმდეგ პრეზიდენტის ვეტო დაძლია. პრეზიდენტის მოტივირებულ შენიშვნებსა და საკანონმდებლო ცვლილებებზე მსჯელობა დღევანდელ პლენარულ სხდომაზე გაიმართა, სადაც გიორგი მარგველაშვილის მიერ გამოყენებული ვეტოს შინაარსი დეპუტატებს პრეზიდენტის საპარლამენტო მდივანმა, ანა ნაცვლიშვილმა გააცნო.

გიორგი კვირიკაშვილმა საგადასახადო კოდექსში დაგეგმილი ცვლილებათა პაკეტი შეაფასა

საქართველოს პრემიერ მინისტრმა, გიორგი კვირიკაშვილმა მთავრობის დღევანდელ სხდომაზე წარდგენილი საგადასახადო კოდექსში დაგეგმილი ცვლილებათა პაკეტი შეაფასა. „ეს არის ძალიან მასშტაბური ცვლილებები და მნიშვნელოვანი საგადასახადო ლიბერალიზაცია. მნიშვნელოვანია იმით, რომ პირველი ეტაპი, რომელიც ჩვენ მოგების გადასახადის გაუქმებით განვახორციელეთ, ძირითადად, შეეხო საშუალო და მსხვილ მეწარმეებს, ხოლო კონკრეტულად ეს ცვლილებები ეხება წვრილ მეწარმეებს და პირდაპირ არის დაკავშირებული მათ სოციალურ მდგომარეობასთან”, […]

დაზვერვის სამსახურის ხელმძღვანელი: რა თქმა უნდა, რუსეთი წარმოადგენს საფრთხეს

რუსეთს აქვს ჩვენი ტერიტორიები ოკუპირებული, რა თქმა უნდა, რუსეთი წარმოადგენს საფრთხეს, განაცხადა სახელმწიფო დაზვერვის სამსახურის ხელმძღვანელმა, დავით სუჯაშვილმაჟურნალისტებთან კომენტირებისას. მას პარლამენტში თავდაცვისა და უშიშროროების კომიტეტის სხდომაზე მოუსმინეს. „დღეს დაზვერვის სამსახურმა წარმოადგინა საინფორმაციო ბრიფინგი, რომელიც მოიცავდა დაზვერვის სამსახურის ხედვას საერთაშორისო სივრცეში მიმდინარე პროცესებთან დაკავშირებით. ვისაუბრეთ ძალიან ბევრ ქვეყანაზე – მაგალითად, რუსეთს აქვს ოკუპირებული ჩვენი ტერიტორიები, რა […]

იან კელი: მოქალაქეებს კარგად უნდა ავუხსნათ, რომ აუცილებლად დაემორჩილონ ვიზა-ლიბერალიზაციასთან დაკავშირებულ რეგულაციებს

საქართველოში ამერიკის შეერთებული შტატების ელჩის, იან კელის განცხადებით, „მოქალაქეებს კარგად უნდა ავუხსნათ, რომ აუცილებლად დაემორჩილონ ვიზა-ლიბერალიზაციასთან დაკავშირებულ რეგულაციებს”. ელჩმა განცხადება ამის თაობაზე მთავრობის ადმინისტრაციაში გააკეთა, სადაც პრემიერ მინისტრ გიორგი კვირიკაშვილთან და საქართველოს უსაფრთხოების და განვითარების ცენტრის დირექტორ ლევან დოლიძესთან ერთად, სტრატეგიული კომუნიკაციის ტრენინგების დაწყებასთან დაკავშირებული ღონისძიების გახსნაში მიიღო მონაწილეობა. შეკითხვას, რა უნდა გააკეთოს ხელისუფლებამ იმისთვის, რომ […]

გიორგი კვირიკაშვილი: აშშ ძალიან დიდ მნიშვნელობას ანიჭებს სტაბილურობას ჩვენს რეგიონში

დღეს, როდესაც არაერთი სახელმწიფო და განსაკუთრებით რუსეთი, ძალიან აქტიურად იყენებს ჰიბრიდული ომის წარმოების სხვადასხვა საშუალებას და სტრატეგიული კომუნიკაცია არამხოლოდ საზოგადოებრივი აზრის ფორმირების, არამედ პირდაპირ პოლიტიკის წარმოების უმძლავრესი იარაღი გახდა, ვფიქრობ, ჩვენი ქვეყნისთვის ძალიან მნიშვნელოვანია ამ მიმართულებით აშშ-თან თანამშრომლობა, რათა მაქსიმალურად მივიტანოთ ჩვენს მოსახლეობამდე ის სიკეთე, რომელსაც ევროპული და ევროატლანტიკური ინტეგრაცია ქმნის საქართველოს პერსპექტივისთვის და დღევანდელობისთვის, […]

მუსტაფა ემრე ჩაბუქი გირაოს სანაცვლოდ გაათავისუფლეს

მუსტაფა ემრე ჩაბუქს წინასაექსტრადიციო პატიმრობა გირაოთი შეეცვალა. პროკურატურა ჩაბუქისთვის 10 000-ლარიანი გირაოს შეფარდებას მოითხოვდა, სასამართლომ კი, გირაოს რაოდენობა 1000 ლარით განსაზღვრა. ჩაბუქს წინასაექსტრადიციო პატიმრობის ვადა 24 თებერვალს ეწურებოდა. დემირელის კოლეჯის ხარისხის მართვის მენეჯერი 2017 წლის 24 მაისს საქართველოში თურქეთის მოთხოვნით დააკავეს.

მატისი ქართველ ლიდერებს მიუნხენში შეხვდა – ინფორმაციას აშშ-ის თავდაცვის დეპარტამენტი ავრცელებს

აშშ-საქართველოს ურთიერთობები თავდაცვის სფეროში და რეგიონული უსაფრთხოების საკითხები აშშ-ის თავდაცვის მდივანმა, ჯეიმს მატისმა საქართველოს პრემიერ მინისტრთან, გიორგი კვირიკაშვილთან და თავდაცვის მინისტრთან, ლევან იზორიასთან გამართულ შეხვედრაზე განიხილა, რომელიც მიუნხენში უსაფრთხოების კონფერენციის ფარგლებში გაიმართა – ნათქვამია პენტაგონის ვებ-გვერდზე გამოქვეყნებულ რელიზში. თავდაცვის მდივანმა აღნიშნა საქართველოს, როგორც ნატოს არაწევრი ქვეყნის, უდიდესი წვლილი აშშ-სა და ნატოს მხარდამხარ ავღანეთში, ამავე დროს […]

საქართველო ამაყობს კანონის უზენაესობით, მედიის თავისუფლებით – გიორგი კვირიკაშვილი მიუნხენში სიტყვით გამოვიდა

საქართველო ამაყობს თავისი ეფექტიანი დემოკრატიული მმართველობით, კანონის უზენაესობით, რომელიც დღითიდღე მტკიცდება, აქტიური პოლიტიკური ცხოვრებით, მედიის თავისუფლებით, ეკონომიკური დინამიზმით, ინვესტორებისთვის ხელსაყრელი გარემოთი და კორუფციის დაბალი დონით, განაცხადა საქართველოს პრემიერ მინისტრმა გიორგი კვირიკაშვილმა მიუნხენის უსაფრთხოების 54-ე კონფერენციის ფარგლებში სპეციალურად საქართველოსადმი მიძღვნილ ღონისძიებაზე სიტყვით გამოსვლისას. პრემიერმა ისაუბრა არა მხოლოდ საქართველოს მიღწევებზე ევროპულ და ევროატლანტიკურ გზაზე, არამედ ქვეყნის ბუნებრივ […]