გიორგი გახარია ბიზნესმენებს – ბიზნესი არის ეკონომიკაში ძირითადი ძალა, რომელიც ქმნის სამუშაო ადგილებს, ამის გათვალისწინებით, კრიტიკულად მნიშვნელოვანია გვქონდეს ძალზე სწრაფი, ეფექტიანი კომუნიკაცია

„გავიხსენოთ ის ტრადიცია, როდესაც საკმაოდ ხშირად, აქტიურად ვხვდებოდით, განვიხილავდით ყველა მწვავე საკითხს, არ არსებობდა დახურული თემები და შესაბამისად, ეს პირველ რიგში, ხელს უწყობდა ჩვენი ეკონომიკის განვითარებას. ჩვენი ქვეყნისთვის ეკონომიკური ზრდა არის კრიტიკულად მნიშვნელოვანი, სხვადასხვა სფეროში, სხვადასხვა დარგში. ჩვენ ყველას კარგად გვესმის, რომ ბიზნესი არის ეკონომიკური ზრდის ძირითადი მამოძრავებელი ძალა და ამავდროულად, ბიზნესი არის ეკონომიკაში ძირითადი […]

ვახტანგ გომელაურმა ახალი სასროლეთი, იმიტირებული საცხოვრებელი ნაგებობა და ფიზიკური მომზადების სივრცე გახსნა

შინაგან საქმეთა მინისტრმა ვახტანგ გომელაურმა, მოადგილეებთან ერთად, სამინისტროს აკადემიაში ახალი სასროლეთი, სპეციალური ოპერაციების პრაქტიკული მეცადინეობისთვის განსაზღვრული იმიტირებული საცხოვრებელი ნაგებობა და ფიზიკური მომზადების სივრცე გახსნა. შინაგან საქმეთა სამინისტროს აკადემიაში სამივე ინფრასტრუქტურული პროექტი სამინისტროს საპოლიციო ინფრასტრუქტურის განახლების ფარგლებში განხორციელდა. მინისტრმა ახალი ინფრასტრუქტურა დაათვალიერა, აკადემიის მსმენელებსა და თანამშრომლებს შეხვდა და მათ წარმატებები უსურვა. შინაგან საქმეთა სამინისტროს აკადემიის ახალი სასროლეთი, […]

საქართველოსა და სომხეთის განათლების მინისტრებმა ორ ქვეყანას შორის თანამშრომლობის საკითხები განიხილეს

ერევანში სამუშაო ვიზიტით მყოფმა საქართველოს განათლების, მეცნიერების, კულტურის და სპორტის მინისტრმა მიხეილ ბატიაშვილმა და სომხეთის განათლების, მეცნიერების, კულტურისა და სპორტის მინისტრმა არაიკ არუთიუნიანმა ორ ქვეყანას შორის თანამშრომლობის საკითხები და მიმდინარე რეფორმები განიხილეს. შეხვედრაზე მხარეებმა ორი ქვეყნის საგანმანათლებლო სისტემების შესახებ ისაუბრეს და განათლების, მეცნიერების, კულტურისა და სპორტის სფეროში ერთმანეთს გამოცდილება გაუზიარეს. მიხეილ ბატიაშვილმა არაიკ არუთიუნიანს ზოგადი […]

მაიკ პენსმა და ერდოღანმა მიაღწიეს შეთანხმებას, რომ თურქეთი სირიაში სამხედრო ოპერაციას 5 დღით შეწყვეტს

შეერთებული შტატების ვიცე-პრეზიდენტის, მაიკ პენსისა და თურქეთის პრეზიდენტის, რეჯეფ თაიფ ერდოღანის ანკარაში გამართული შეხვედრისას მიაღწიეს შეთანხმებას, რომ თურქეთი ჩრდილო-აღმოსავლეთ სირიაში 9 ოქტომბერს დაწყებულ სამხედრო ოპერაციას შეწყვეტს. ყველა სახის საბრძოლო მოქმედება 5 დღით შეჩერდება და პენსის განცხადებით, ამერიკის შეერთებული შტატები ქურთული ძალების ხელმძღვანელობით მებრძოლ ჯარებს იმ ზონიდან გაყვანაში დაეხმარება, რასაც თურქეთი საზღვრის გასწვრივ „უსაფრთხო ზონას“ უწოდებს. […]

საქართველოს პარლამენტმა სახელმწიფო უსაფრთხოების სამსახურის უფროსის თანამდებობაზე გრიგოლ ლილუაშვილი დაამტკიცა

პარლამენტის პლენარულ სხდომაზე, გრიგოლ ლილუაშვილის კანდიდატურას დეპუტატებმა 85 ხმით მხარი დაუჭირეს. გრიგოლ ლილუაშვილი სახელმწიფო უსაფრთხოების სამსახურს ექვსი წლის განმავლობაში უხელმძღვანელებს. კენჭისყრამდე, გრიგოლ ლილუაშვილის კანდიდატურა თავდაცვისა და უშიშროების კომიტეტმა განიხილა. კომიტეტის სხდომაზე გრიგოლ ლილუაშვილმა ისაუბრა უსაფრთხოების კუთხით ქვეყანაში არსებულ მთავარ გამოწვევებსა და უწყების შემდგომი საქმიანობის ძირითად მიმართულებებზე, ასევე, დეპუტატების კითხვებს უპასუხა. თავდაცვისა და უშიშროების კომიტეტმა გრიგოლ […]

არჩილ თალაკვაძე კორეის რესპუბლიკის ეროვნული ასამბლეის თავმჯდომარეს, მუნ ჰი-სანგს შეხვდა

საქართველოს პარლამენტის თავმჯდომარემ არჩილ თალაკვაძემ საქართველოში ოფიციალური ვიზიტით მყოფი კორეის რესპუბლიკის ეროვნული ასამბლეის თავმჯდომარე მუნ ჰი-სანგი მიიღო. შეხვედრაზე განხილული იქნა ქვეყნებს შორის არსებული საკითხების ფართო სპექტრი. ყურადღება გამახვილდა ორ ქვეყანას შორის არსებული საპარლამენტო ურთიერთობების გაღრმავებაზე. ხაზი გაესვა უმაღლესი დონის ვიზიტების გაცვლისა და საერთაშორისო ფორმატებში თანამშრომლობის გაზრდის მნიშვნელობას. ამასთან, მხარეებმა ისაუბრეს ორი ქვეყნის საინვესტიციო-ეკონომიკური და ტურისტული […]

ირაკლი ღარიბაშვილი: „გია ყარყარაშვილი შეუპოვრობის, თავდადებისა და გაუტეხლობის სიმბოლოა“

„გია ყარყარაშვილი შეუპოვრობის, თავდადებისა და გაუტეხლობის სიმბოლოა“ – ეს განცხადება საქართველოს თავდაცვის მინისტრმა ვეტერანების საქმეთა სახელმწიფო სამსახურში გააკეთა. ირაკლი ღარიბაშვილმა ვეტერანებს 17 ოქტომბერი-ვეტერანის დღე მიულოცა და ქვეყნის წინაშე გამოჩენილი თავდადებისა და თავდაცვის ძალების განვითარებაში შეტანილი წვლილისთვის მადლობა გადაუხადა. „პატივცემულო ვეტერანებო, თქვენ ხართ საქართველოს ცოცხალი მემატიანეები. თქვენ ჩაუყარეთ საფუძველი საქართველოს თავდაცვის ძალებს და სწორედ თქვენს მხრებზე […]

თავდაცვისა და უშიშროების კომიტეტმა სახელმწიფო უსაფრთხოების სამსახურის უფროსის თანამდებობაზე გრიგოლ ლილუაშვილის კანდიდატურას მხარი დაუჭირა

თავდაცვისა და უშიშროების კომიტეტების სხდომაზე საქართველოს მთავრობის მიერ საქართველოს სახელმწიფო უსაფრთხოების სამსახურის უფროსის თანამდებობაზე დასანიშნად წარმოდგენილი გრიგოლ ლილუაშვილის კანდიდატურა განიხილეს. გრიგოლ ლილუაშვილმა ისაუბრა უსაფრთხოების კუთხით ქვეყანაში არსებულ მთავარ გამოწვევებსა და უწყების შემდგომი საქმიანობის ძირითად მიმართულებებზე. სიტყვით გამოსვლის შემდეგ, სხდომა კითხვა-პასუხის რეჟიმში გაგრძელდა. გრიგოლ ლილუაშვილმა დეპუტატების კითხვებს უპასუხა. თავდაცვისა და უშიშროების კომიტეტის წევრებმა კენჭი უყარეს სხდომაზე […]

დონალდ ტრამპი: „ეს [თურქეთი-სირია] ჩვენი საზღვარი არ არის“

ამერიკის შეერთებული შტატების პრეზიდენტმა, დონალდ ტრამპმა თურქეთის სირიაში შეჭრაზე კომენტირებისას განაცხადა, რომ „ეს ჩვენი საზღვარი არ არის“, ხოლო ჩრდილო-აღმოსავლეთ სირიაში მცხოვრებ ამერიკის ყოფილ მოკავშირეებზე, ქურთებზე, რომლებიც აშშ-ს „ისლამური სახელმწიფოს“ დამარცხებაში დაეხმარნენ, თქვა, რომ ისინი „ანგელოზები არ არიან“. უფრო ადრე გავრცელებული ცნობების თანახმად, აშშ-ის პრეზიდენტმა განაცხადა, რომ თურქეთის სამხედრო ოპერაცია სირიაში „ჩვენი პრობლემა არ არის“. „მათ […]

ირაკლი ღარიბაშვილმა ვაზიანში მე-4 მექანიზებული და მე-5 საარტილერიო ბრიგადები მოინახულა

საქართველოს თავდაცვის მინისტრმა ვაზიანში მე-4 მექანიზებული და მე-5 საარტილერიო ბრიგადები მოინახულა. ირაკლი ღარიბაშვილი სამხედრო მოსამსახურეებს შეხვდა და მათი პრობლემების შესახებ ინფორმაცია პირადად მოისმინა. თავდაცვის მინისტრმა ჯარისკაცებს პირობების გაუმჯობესების შესახებ საკუთარი გეგმა გააცნო, რაც ინფრასტრუქტურის მოდერნიზაციას, ნატოს სტანდარტების შესაბამისად ყველა სამხედრო ნაწილში ყაზარმების გარემონტებას ითვალისწინებს. ირაკლი ღარიბაშვილის განცხადებით, კვების, დაზღვევის, სამხედრო უნიფორმის, სრული ეკიპირების ხარისხის გაუმჯობესებაც […]