საქართველოში კორონავირუსით ინფიცირებული კიდევ ერთი პაციენტი გამოჯანმრთელდა

საქართველოში კორონავირუსით ინფიცირებული კიდევ ერთი პაციენტი გამოჯანმრთელდა, –  აღნიშნულის შესახებ „იმედის დილის“ ეთერში ინფექციური საავადმყოფოს ექიმმა ალექსანდრე გოგინავამ განაცხადა. მისივე თქმით, მეცხრე გამოჯანმრთელებულმა პაციენტმა ინფექციური საავადმყოფო გუშინ საღამოს დატოვა. საქართველოში კორონავირუსისგან უკვე პაციენტია განკურნეული. საქართველოში კორონავირუსით ინფიცირებულთა რიცხვი 61-ს შეადგენს. მთავრობის მიერ შექმნილი სპეციალური ვებ-გვერდის stopcov.ge-ს ინფორმაციით, ამჟამად კარანტინის რეჟიმში იმყოფება 3222 ადამიანი, სტაციონარში მეთვალყურეობის ქვეშ კი […]

ნათია თურნავა: დღეიდან ქრონიკული დაავადებების მქონე პენსიონერებს მედიკამენტებს და პირბადეებს სახლში „საქართველოს ფოსტის“ კურიერები მიუტანენ

დღეიდან საქართველოს მთავრობის დავალებით, კომპანია „საქართველოს ფოსტის“ კურიერებმა ქვეყნის მთელ ტერიტორიაზე 70 წელს გადაცილებული პენსიონერებისთვის, რომლებიც ჩართული არიან ქრონიკული დაავადებების სამკურნალო მედიკამენტებით უზრუნველყოფის სამთავრობო პროგრამაში, კუთვნილი მედიკამენტების სახლში მიტანის სერვისი დაიწყეს. მედიკამენტებთან ერთად პენსიონერებმა ასევე მიიღეს ადგილობრივი წარმოების პირბადეები, რომლებიც მთავრობის დაკვეთით კერძო სამკერვალო საწარმოებმა დაამზადეს და ამით თავისი წვლილი შეიტანეს ამ დეფიციტური ჰიგიენური პროდუქტით […]

მსოფლიო ჯანდაცვის ორგანიზაციის დირექტორი: კორონავირუსის პანდემია დიდი სისწრაფით ვრცელდება

მსოფლიო ჯანდაცვის ორგანიზაციის ხელმძღვანელმა განაცხადა, რომ კორონავირუსის პანდემია „დაჩქარებული წესით“ ვრცელდება. ჟენევაში გამართულ პრესკონფერენციაზე საუბრისას მსოფლიო ჯანდაცვის ორგანიზაციის დირექტორმა, ტედროს ადჰანომ ღებრეიესუსმა განაცხადა: „67 დღე დასჭირდა პირველი შემთხვევის შესახებ ინფორმაციის გავრცელებიდან იმას, რომ 100 000-ამდე მიეღწია შემთხვევების რაოდენობას და მხოლოდ ოთხი დღე მესამე 100 000 შემთხვევას“. მან აღნიშნა, რომ ამ კვირაში დიდი ოცეულის სახელმწიფოთა მთავრობებს […]

გიორგი გახარიამ მსხვილი ბიზნესის წარმომადგენლებთან კორონავირუსის გლობალურ გამოწვევასთან ეფექტურად გამკლავებისთვის ერთობლივად განსახორციელებელი ნაბიჯები განიხილა

კორონავირუსის გლობალურ გამოწვევასთან სწრაფად და ეფექტურად გამკლავების მიზნით სახელმწიფოსა და ბიზნესის მხრიდან ერთობლივად განსახორციელებელი ნაბიჯები განიხილეს საქართველოს პრემიერ-მინისტრმა გიორგი გახარიამ და მსხვილი ბიზნესის წარმომადგენლებმა შეხვედრაზე, რომელიც დღეს მთავრობის ადმინისტრაციაში გაიმართა. მთავრობის მეთაურმა ყურადღება გაამახვილა კერძო სექტორისა და მსხვილი დამსაქმებლების როლზე, ქვეყნის ეკონომიკის წინაშე არსებული გამოწვევების გადალახვის პროცესში. საუბარი შეეხო ქვეყანაში საგანგებო მდგომარეობის გამოცხადების შედეგად დაწესებულ […]

ირაკლი ღარიბაშვილი მარნეულში თავდაცვის ძალების მიერ მოწყობილ საკონტროლო გამშვებ პუნქტებზე იმყოფებოდა

საქართველოს თავდაცვის მინისტრი მარნეულში თავდაცვის ძალების მიერ მოწყობილ საკონტროლო გამშვებ პუნქტებზე იმყოფებოდა. ირაკლი ღარიბაშვილი არსებულ მდგომარეობას ადგილზე გაეცნო და თავდაცვის ძალების წარმომადგენლებისგან კორონავირუსის გავრცელების პრევენციის მიზნით გატარებულ მოქმედებებზე დეტალური ინფორმაცია მოისმინა. საკონტროლო გამშვები პუნქტიდან თავდაცვის მინისტრი მარნეულის საავიაციო ბაზაზე მართვის ცენტრში გაემგზავრა, სადაც აღმოსავლეთის სარდალმა, ბრიგადის გენერალმა ალექსანდრე კიკნაძემ მინისტრს COVID19-ით გამოწვეულ საგანგებო სიტუაციაზე თავდაცვის […]

საზღვარგარეთ მყოფი საქართველოს მოქალაქეების სამშობლოში დაბრუნების მიზნით, სპეციალური კომერციული რეისები ეტაპობრივად შედგება

საქართველოს საგარეო საქმეთა სამინისტრო უცხოეთიდან უახლოესი სპეციალური ავიარეისების შესახებ ინფორმაციას ავრცელებს და აღნიშნავს, რომ სახელმწიფომ, მსოფლიოში არსებული ამ რთულ ვითარებაში, გამოიჩინა განსაკუთრებული ეფექტურობა და ამ დრომდე სამაგალითოდ შეძლო ვირუსის გავრცელების პრევენციისათვის ზომების გატარება, რაც აღიარებულია პარტნიორების მხრიდან. „ძვირფასო თანამემამულეებო, სრულად ვაცნობიერებთ, რომ არსებულმა ვითარებამ განსაკუთრებული სირთულეების წინაშე დააყენა საზღვარგარეთ მყოფი ჩვენი მოქალაქეები; ბევრი მათგანი ვერ ახერხებს […]

დავით ზალკალიანი: „მზად ვართ, დახმარება აღმოვუჩინოთ ოკუპირებულ ტერიტორიებზე მცხოვრებ ჩვენს თანამოქალაქეებს“

ჩვენ ვართ მაქსიმალურად ღია და გახსნილი იმისთვის, რომ ჩვენს თანამოქალაქეებს, რომლებიც საოკუპაციო ხაზს მიღმა არიან, მაქსიმალურად დავეხმაროთ და ამაში ჩართული გვყავს ასევე საერთაშორისო პარტნიორები, – განაცხადა საგარეო საქმეთა მინისტრმა, დავით ზალკალიანმა. მინისტრის განცხადებით, ეფექტიანი ქმედების და დახმარების შესაძლებლობას ზღუდავს ის, რომ საოკუპაციო რეჟიმს ჩაკეტილი და ბლოკირებული აქვს გადასასვლელი პუნქტები, რაც ჰუმანიტარულ სიტუაციას ძალიან ართულებს. “არის […]

საქართველოს მთავრობის დადგენილებით, საქართველოში იკრძალება ქელეხი, ქორწილი და სხვა მსგავსი ღონისძიებები

საქართველოს მთავრობის 23 მარტის 181-ე დადგენილებით, საქართველოში იკრძალება ისეთი სოციალური ღონისძიებები, რომელიც დაკავშირებულია 10-ზე მეტი ფიზიკური პირის შეკრებასთან. მაგალითად, როგორიც არის ქელეხი, ქორწილი და სხვა მსგავსი ღონისძიებები. ასევე, დადგენილების თანახმად, საგანგებო მდგომარეობის მოქმედების ვადით იკრძალება „შეკრებებისა და მანიფესტაციების შესახებ“ საქართველოს კანონით გათვალისწინებული შეკრება ან/და მანიფესტაცია. „იკრძალება საჯარო სივრცეში ფიზიკურ პირთა თავშეყრა 10 პირზე მეტი რაოდენობით. […]

საგანმანათლებლო დაწესებულებებში სასწავლო პროცესი კიდევ გადაიდო

საგანმანათლებლო დაწესებულებებში სასწავლო პროცესი კიდევ გადაიდო, – ნათქვამია საქართველოს მთავრობის მიერ #181-ე დადგენილებაშია. „საქართველოში ახალი კორონავირუსის გავრცელების აღკვეთის მიზნით გასატარებელი ღონისძიებების დამტკიცების შესახებ“ 23 მარტით არის დათარიღებული. „საგანმანათლებლო დაწესებულებებში 2020 წლის 21 აპრილამდე შეჩერდეს სასწავლო პროცესი. ზოგადასაგანმანათლებლო და უმაღლეს საგანმანათლებლო დაწესებულებებმა აღნიშნული განახორციელოს დისტანციური სწავლების/კომუნიკაციის სხვადასხვა ფორმის გამოყენებით (ასეთის შესაძლებლობის შემთხვევაში). 2020 წლის 21 აპრილამდე […]

[ვიდეო] ლიბერთი ბანკი, საკუთარი რესურსით 100 მლნ ლარიან პროგრამას იწყებს პენსიების წინასწარ ჩარიცხვის მიმართულებით

ლიბერთი ბანკის გენერალური დირექტორი ვასილ ხოდელი განმარტებას აკეთებს თუ როგორ მოხდება პენსიების ჩარიცხვა წინასწარ და როგორ შეძლებენ 70 წლის და ზევით ჩვენი თანამემამულეები ამ თანხებით სარგებლობას. “ლიბერთი ბანკის სახელით მინდა მოგახსენოთ, რომ დღეს ჩვენს ქვეყანაში არსებული საგანგებო სიტუაციის გამო ჩვენი გუნდის მთავარი გამოწვევაა, ყველა რეკომენდაციის გათვალისწინებით, გავუფრთხილდეთ და ვიზრუნოთ ჩვენს მომხმარებლებზე, თანამშრომლებზე, ზოგადად საქართველოს მოქალაქეებზე […]