საქართველოში ფულადი გზავნილები აპრილში წლიურად 7.6%-ით გაიზარდა და 318.1 მლნ აშშ დოლარი შეადგინა

2026 წლის აპრილში ქვეყანაში შემოსული ფულადი გზავნილების ნაკადების მოცულობამ 318.1 მლნ აშშ დოლარი (857.3 მლნ ლარი) შეადგინა, რაც 7.6%-ით (22.5 მლნ აშშ დოლარით) მეტია 2025 წლის აპრილის ანალოგიურ მაჩვენებელზე. სებ-ის მიერ გამოქვეყნებული სტატისტიკის მიხედვით, აპრილში გზავნილების მაქსიმალური წილი ევროკავშირის ქვეყნებზე მოდის და 44.5%-ს შეადგენს, შესაბამისი 141.5 მლნ აშშ დოლარით, წლიური ზრდის ტემპი კი 6.8%-ს უტოლდება. […]

Fitch-ის პროგნოზით, საქართველოში ინფლაცია ეტაპობრივად შემცირდება და 3%-იან მიზნობრივ მაჩვენებელს დაუახლოვდება

საკრედიტო სარეიტინგო სააგენტო Fitch-ის მიხედვით, BB რეიტინგის მქონე სხვა ქვეყნებთან შედარებით, საქართველოს ეკონომიკური განვითარების მაღალი დონე, სანდო მაკროფისკალური პოლიტიკის ჩარჩო, ზომიერი საგარეო ვალი და მდგრადი საბანკო სექტორი ქვეყნის სარეიტინგო პოზიციას ამყარებს. ინფორმაციას ამის შესახებ ეროვნული ბანკი ავრცელებს. სებ-ის ინფორმაციით, Fitch-ის პროგნოზში აღნიშნულია, რომ ინფლაცია ეტაპობრივად შემცირდება და 3%-იან მიზნობრივ მაჩვენებელს დაუახლოვდება. როგორც Fitch-ის მიერ გავრცელებულ […]

ტრამპი სი ძინპინთან მოლაპარაკებებს „შესანიშნავს“ უწოდებს, პეკინი კი კვლავ აფრთხილებს აშშ-ს ტაივანის გამო

ამერიკის შეერთებული შტატების პრეზიდენტთან, დონალდ ტრამპთან შეხვედრისას ჩინეთის ლიდერმა, სი ძინპინმა თავის შესავალ სიტყვაში აღნიშნა, რომ მთელი მსოფლიო აკვირდება მათ შეხვედრას. „ამჟამად მთელ მსოფლიოში აჩქარებულია ისეთი ტრანსფორმაცია, რომელიც საუკუნეების განმავლობაში არ უნახავთ და საერთაშორისო ვითარება ცვალებადი და ტურბულენტურია“, – განაცხადა სი ძინპინმა და განაგრძო: „მსოფლიო ახალ გზაჯვარედინზეა. შეუძლიათ თუ არა ჩინეთს და აშშ-ს თუკიდიდეს ხაფანგის […]

ეკონომიკის სამინისტრო: საქართველოდან ექსპორტი რეკორდულ ნიშნულზეა, იანვარ-აპრილში მაჩვენებელი 21.1%-ით გაიზარდა

2026 წლის იანვარ-აპრილში საქართველოდან ექსპორტი 21.1%-ით გაიზარდა და 2,439.8 მლნ. აშშ დოლარი შეადგინა, რაც რეკორდული მაჩვენებლებია. ინფორმაციას ამის შესახებ საქართველოს ეკონომიკისა და მდგრადი განვითარების სამინისტრო ავრცელებს. სამინისტროს ცნობით, ასევე რეკორდულია აპრილის მაჩვენებლებიც: არსებული სტატისტიკური მონაცემებით, აპრილში ექსპორტი გასული წლის ანალოგიურ პერიოდთან შედარებით 16.1%-ით გაიზარდა და 716.2 მლნ. აშშ დოლარი შეადგინა. „აპრილში სავაჭრო ბრუნვამ ასევე რეკორდული […]

სრულიად საქართველოს კათოლიკოს-პატრიარქის, შიო III-ის აღსაყდრება სვეტიცხოველში – პირდაპირი ტრანსლაცია

სრულიად საქართველოს კათოლიკოს-პატრიარქის, შიო III-ის აღსაყდრება სვეტიცხოვლის საკათედრო ტაძარში – საქართველოს საზოგადოებრივი მაუწყებლის პირველი არხის პირდაპირი ტრანსლაცია.

სრულიად საქართველოს კათოლიკოს-პატრიარქად მიტროპოლიტი შიო (მუჯირი) აირჩიეს

სამების საკათედრო ტაძარში საქართველოს მართლმადიდებელი ეკლესიის გაფართოებულ კრებაზე სრულიად საქართველოს ახალ კათოლიკოს-პატრიარქად, კათოლიკოს-პატრიარქის ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი) 22 ხმით აირჩიეს. მას შიო მე-3 ეწოდა. პატრიარქობის დანარჩენი ორი კანდიდატიდან, მროველ-ურბნელმა მიტროპოლიტმა იობმა (აქიაშვილი) 9 ხმა, ფოთისა და ხობის მიტროპოლიტმა გრიგოლმა (ბერბიჭაშვილი) 7 ხმა მიიღო. ერთი ხმა გაუქმდა. კათოლიკოს-პატრიარქის არჩევის კენჭისყრაში მხოლოდ მღვდელმთავრები […]

ანდრია ჯაღმაიძე: ეკლესიის გაფართოებული კრება, რომელზეც პატრიარქს აირჩევენ, ნაწილობრივ გაშუქდება ტელევიზიით, პირველი არხის საშუალებით, საბოლოო შედეგი პირდაპირ ეთერში გამოცხადდება

საპატრიარქოს საზოგადოებასთან ურთიერთობის სამსახურის ხელმძღვანელმა, ანდრია ჯაღმაიძემ მედიას 11 მაისს ჩანიშნული საქართველოს მართლმადიდებელი ეკლესიის გაფართოებული კრების დღის წესრიგი და ღონისძიების დეტალები გააცნო. ანდრია ჯაღმაიძის თქმით, 10:00 საათიდან 12:00 საათამდე მოხდება სტუმრების და დელეგატების მიღება. მისივე განმარტებით, ღონისძიება ტელევიზიით ნაწილობრივ გაშუქდება, კერძოდ, პირდაპირ ეთერში იქნება საეკლესიო კრების გახსნა, კენჭისყრის პროცესი, ხმების დათვლა აღარ გადაიცემა მედიის საშუალებით, […]

განათლების სამინისტრომ, „მასწავლებლების საუკეთესო ინტერესების გათვალისწინებისა და მათი მხარდაჭერის მიზნით“, ახალი გადაწყვეტილება მიიღო

საქართველოს განათლების, მეცნიერებისა და ახალგაზრდობის სამინისტრო განაგრძობს მუშაობას მასწავლებელთა პროფესიული მხარდაჭერისა და შესაბამისი საგანმანათლებლო გარემოს უზრუნველყოფის მიმართულებით. ამ ეტაპზე მიმდინარეობს მასწავლებელთა საგნობრივ გამოცდებზე რეგისტრაცია, რომელშიც აქტიურად არიან ჩართული მოქმედი მასწავლებლები. აღნიშნული პროცესი ხარისხიანი განათლების მნიშვნელოვანი წინაპირობაა. მასწავლებლების საუკეთესო ინტერესების გათვალისწინებისა და მათი მხარდაჭერის მიზნით, სამინისტრომ მიიღო გადაწყვეტილება: 2026-2027 სასწავლო წლიდან იმ მასწავლებლებს, რომელთაც კომპეტენცია დადასტურებული აქვთ […]

2026 წლის აპრილის მდგომარეობით საქართველოს მთლიანი საერთაშორისო რეზერვები 154.2 მლნ აშშ დოლარით გაიზარდა

2026 წლის აპრილის მდგომარეობით, წინა თვესთან შედარებით, საქართველოს მთლიანი საერთაშორისო რეზერვები 154.2 მლნ აშშ დოლარით გაიზარდა და  6.47 მლრდ ლარი შეადგინა. საერთაშორისო რეზერვები ქვეყნის მაკროეკონომიკური სტაბილურობის მნიშვნელოვანი გარანტორია. ეროვნული ბანკის გრძელვადიანი პოლიტიკა ყოველთვის მიმართულია რეზერვების დაგროვებასა და სარეზერვო აქტივების ეფექტურ მართვაზე. როდესაც სავალუტო ბაზარი და მაკროეკონომიკური მდგომარეობა ამის შესაძლებლობას იძლევა, ეროვნული ბანკი სავალუტო რეზერვებს ავსებს. […]

2026 წლის 1-ელი ივლისიდან ლარში შემოსავლის მქონე პირებისთვის მილიონ ლარამდე სესხები მხოლოდ ეროვნულ ვალუტაში გაიცემა

1-ელი ივლისიდან მილიონ ლარამდე სესხები მხოლოდ ეროვნულ ვალუტაში გაიცემა. ეს შეზღუდვა ეხებათ იმ პირებს, რომლებსაც შემოსავალი ლარში აქვთ. ახალი რეგულაცია არ ვრცელდება იმ ადამიანებზე, რომლებიც შემოსავალს უცხოურ ვალუტაში იღებენ – მნიშვნელობა არ აქვს, იქნება ეს ევრო თუ დოლარი. 2025 წლის აგვისტოდან დღემდე ეს ზღვარი 750 000 ლარს შეადგენდა, ხოლო 2026 წლის პირველი ივლისიდან ის ერთი […]