გარდაბნის მერი რამაზ ბუდაღაშვილი მუნიციპალიტეტში მიმდინარე ინფრასტრუქტურულ პროექტებს გაეცნო
გარდაბნის მუნიციპალიტეტის მერმა რამაზ ბუდაღაშვილმა, თვითმმართველობის წარმომადგენლებთან ერთად, ქ.გარდაბანში მიმდინარე ინფრასტრუქტურული პროექტები დაათვალიერა.
მონიტორინგის ფარგლებში, მერი ადგილზე გაეცნო ქ.გარდაბანში სასწრაფო-სამედიცინო ცენტრის მშენებლობისა და ლევან დევდარიანის სახელობის #1 საჯარო სკოლის, სპორტული დარბაზის რეაბილიტაციის პროცესს.
მერის განცხადებით- „მუნიციპალიტეტის მასშტაბით, ინფრასტრუქტურული სამუშაოები ინტენსიურ რეჟიმში მიმდინარეობს, ასევე ყოველდღიურ რეჟიმში ხდება სამშენებლო პროცესის მონიტორინგი, რაც მშენებლობის ხარისხზე მნიშვნელოვან ზეგავლენას ახდენს“.