საქართველოში კორონავირუსის სამი ახალი შემთხვევა დაფიქსირდა, 16 პაციენტი კი გამოჯანმრთელდა. ინფორმაციას მთავრობის სპეციალური ვებგვერდი, stopcov.ge ავრცელებს.
შესაბამისად, ამ დროისთვის საქართველოში კორონავირუსის 738 შემთხვევაა დადასტურებული, გამოჯანმრთელებულთა რაოდენობა კი უკვე 573-ს შეადგენს.
ამასთან, უცხოეთიდან სამკურნალოდ გადმოყვანილია საქართველოს სამი მოქალაქე.
ახალი კორონავირუსის შედეგად, ქვეყანაში 12 პაციენტი გარდაიცვალა.
კარანტინის რეჟიმში 3076 მოქალაქე იმყოფება, ხოლო სტაციონარში მეთვალყურეობის ქვეშ 250 ადამიანი რჩება.