საქართველო

პარლამენტმა უზენაესი სასამართლოს უვადო მოსამართლედ 14 კანდიდატი დაამტკიცა

საქართველოს პარლამენტის პლენარულ სხდომაზე უზენაესი სასამართლოს მოსამართლეობის კანდიდატებს უყარეს კენჭი, რომელთაგან მმართველი პარტიის დეპუტატების მხარდაჭერა 14-მა მიიღო, ხოლო 5 კანდიდატს კი, უზენაესი სასამართლოს მოსამართლეობაზე უარი ეთქვა.

პარლამენტმა მხარი დაუჭირა შემდეგ კანდიდატებს: მერაბ გაბინაშვილი, მირანდა ერემაძე, მამუკა ვასაძე, მაია ვაჩაძე, თამარ ზამბახიძე, შალვა თადუმაძე, ვლადიმერ კაკაბაძე, ლევან მიქაბერიძე, გიორგი მიქაუტაძე, ნუგზარ სხირტლაძე, ლალი ფაფიაშვილი, ნინო ქადაგიძე, ქეთევან ცინცაძე, ალექსანდრე წულაძე.

პარლამენტმა მხარი არ დაუჭირა შემდეგ კანდიდატებს: თამარ ალანია, შოთა გეწაძე, პაატა სილაგაძე, ლაშა ქოჩიაშვილი, გოჩა ჯეირანაშვილი.

რაც შეეხება ზაზა თავაძეს, მას ფორმალურად უყარეს კენჭი, ვინაიდან მან თავისი კანდიდატურა მოხსნა.