41 ადამიანის სიცოცხლე ემსხვერპლა მოსკოვში „შერემეტიევოს“ აეროპორტში მომხდარი ავიაკატასტროფას. დაღუპულთა შორის ორი მცირეწლოვანია.
რუსული მედიის ცნობით, ბორტზე 73 მგზავრი და ეკიპაჟის 5 წევრი იმყოფებოდა, მათგან 33 მგზავრი და ეკიპაჟის 4 წევრი გადარჩა.
ავიაკომპანია „აეროფლოტის“ ლაინერი „სუხოი სუპერჯეტ 100“ „შერემეტიევოს“ აეროპორტიდან მურმანსკში მიფრინავდა, თუმცა თვითმფრინავი, აფრენიდან მალევე, ავარიულად დაეშვა და ცეცხლი გაუჩნდა. მგზავრების ევაკუაცია ალმოდებული თვითმფრინავიდან განხორციელდა.