კატალონიის პარლამენტმა, რომელიც ესპანეთის მთავრობამ დაშლილად გამოაცხადა, აღიარა ეს გადაწყვეტილება და ახალი არჩევნების გამართვამდე მუშაობას წყვეტს, განუცხადეს ახალი ამბების სააგენტო „რია ნოვოსტის“ რეგიონის საკანონმდებლო ორგანოს პრეს-სამსახურში.
სამშაბათს დაგეგმილი პარლამენტის პრეზიდიუმის სხდომა გადადებულია.
„პრეზიდიუმის სხდომა გადადებულია, რადგანაც პარლამენტი დათხოვნილია“, განაცხადეს კატალონიის საკანონმდებლო ორგანოს პრეს-სამსახურში.
ორშაბათ დილას, პარლამენტის სპიკერი კარმე ფორკადელი – ერთ-ერთი ყველაზე აქტიური მხარდამჭერი დამოუკიდებლობის გამოცხადებისა – შენობაში გამოჩნდა. იგი ვადამდელი არჩევნების გამართვამდე, რომელიც 21 დეკემბერსაა დაგეგმილი, თავის თანამდებობას ოფიციალურად ინარჩუნებს.
GUARDIAN.GE