ქვინიფიაქის უნივერსიტეტის ახალი სოციოლოგიური კვლევის მიხედვით, აშშ-ის პრეზიდენტი ჯო ბაიდენი მცირედი უპირატესობით უსწრებს ყოფილ პრეზიდენტს, დონალდ ტრამპს, მიუხედავად იმისა, რომ ამომრჩეველთა აბსოლუტური უმრავლესობა წუხს მისი ასაკის გამო.
კვლევა, რომელიც 15 თებერვლიდან 19 თებერვლამდე ჩატარდა, აჩვენებს – საპრეზიდენტო არჩევნები რომ ამჟამად ტარდებოდეს, რეგისტრირებული ამომრჩევლის 49% ბაიდენს დაუჭერდა მხარს, ხოლო 45% ტრამპს.
მიუხედავად ამისა, ამომრჩეველთა 67%-მა თქვა, რომ 81 წლის პრეზიდენტი მეტისმეტად ასაკოვანია იმისათვის, რომ კიდევ ერთი ვადით ეფექტურად მართოს ქვეყანა, მაშინ როცა 77 წლის ტრამპზე იგივე 57%-მა განაცხადა.
მხოლოდ 34%-მა თქვა, რომ ბაიდენს აქვს შესაბამისი გონებრივი მდგომარეობა, რომ მეორე ვადით იმსახუროს, ტრამპის შემთხვევაში კი იგივეს 48% ფიქრობს.