ირანის ყოფილი პრეზიდენტი მაჰმუდ აჰმადინეჯადი ცოცხალი და უვნებელია, რადგან აშშ-ისრაელის ერთობლივი თავდასხმები ირანის უმაღლეს ხელმძღვანელობასა და სამხედრო ინფრასტრუქტურაზეა მიმართული, – ამის შესახებ თურქულ Anadolu-ს აჰმადინეჯადის ახლო თანაშემწემ განუცხადა.
„მე მასთან კონტაქტზე ვარ. ყველაფერი კარგადაა“, – თქვა მრჩეველმა, რომელმაც ანონიმურობის პირობით ისაუბრა.
„გუშინ მისი დაცვის თანამშრომლებთან დაკავშირებული შენობა დაბომბეს. მისი სამი მცველი – ისლამური რევოლუციის გუშაგთა კორპუსის (IRGC) წევრები – მოკლეს. შენობიდან 100 მეტრის დაშორებით მდებარე მისი საცხოვრებელი სახლი უვნებელი დარჩა და არ დაუბომბავთ“, – დასძინა წყარომ.
მანამდე არაერთი მედიასაშუალებით გავრცელდა ინფორმაცია, რომ აჰმადინეჯადი, რომელიც ირანის პრეზიდენტის თანამდებობას 2005 წლიდან 2013 წლამდე იკავებდა, ისრაელ-აშშ-ის საჰაერო დარტყმის შედეგად დაიღუპა.