საქართველოში – აფხაზეთის და ცხინვალის რეგიონის გამოკლებით – ბოლო 24 საათის განმავლობაში კორონავირუსის 1 784 ახალი შემთხვევა გამოვლინდა. ინფორმაციას stopcov.ge ავრცელებს.
26 დეკემბრის მდგომარეობით, საქართველოში – აფხაზეთის და ცხინვალის რეგიონის გამოკლებით – კორონავირუსის 220 508 შემთხვევაა დადასტურებული. გამოჯანმრთელებულთა რაოდენობა 4 119-ით გაიზარდა და ის 200 339 -ს შეადგენს.
ახალი მონაცემებით, 39-ით გაიზარდა ქვეყანაში COVID-19-ით გარდაცვლილთა რაოდენობა და ის 2 352-ს შეადგენს.