საქართველოში – აფხაზეთის და ცხინვალის რეგიონის გამოკლებით – ბოლო 24 საათის განმავლობაში კორონავირუსის 1 236 ახალი შემთხვევა გამოვლინდა. ინფორმაციას stopcov.ge ავრცელებს.
16 იანვრის მდგომარეობით, საქართველოში – აფხაზეთის და ცხინვალის რეგიონის გამოკლებით – კორონავირუსის 247 025 შემთხვევაა დადასტურებული.
გამოჯანმრთელებულთა რაოდენობა 2 189-ით გაიზარდა და ის 231 385-ს შეადგენს.
ახალი მონაცემებით, 23-ით გაიზარდა ქვეყანაში COVID-19-ით გარდაცვლილთა რაოდენობა და ის 2 916-ს შეადგენს.