საქართველოში – აფხაზეთის და ცხინვალის რეგიონის გამოკლებით – ბოლო 24 საათის განმავლობაში კორონავირუსის 2 970 ახალი შემთხვევა გამოვლინდა. ინფორმაციას stopcov.ge ავრცელებს.
10 ნოემბრის მდგომარეობით, საქართველოში – აფხაზეთის და ცხინვალის რეგიონის გამოკლებით – კორონავირუსის 60 680 შემთხვევაა დადასტურებული. გამოჯანმრთელებულთა რაოდენობა 2 348-ით გაიზარდა და ის 47 390-ს შეადგენს.
ახალი მონაცემებით, 22-ით გაიზარდა ქვეყანაში COVID-19-ით გარდაცვლილთა რაოდენობა და ის 521-ს შეადგენს.