ნატო-ს გენერალური მდივნის სპეციალური წარმომადგენელი კავკასიასა და ცენტრალურ აზიაში ჯეიმს აპატურაი ღრმა წუხილს გამოხატავს ოკუპირებულ ცხინვალის რეგიონში საქართველოს მოქალაქის, არჩილ ტატუნაშვილის სიკვდილისა და სხვა ორი პირის დაკავების გამო.
„ღრმად ვარ შეშფოთებული სამხრეთ ოსეთში, საქართველოში, ბოლო დროს განვითარებული მოვლენებით, განსაკუთრებით კი საქართველოს მოქალაქის, არჩილ ტატუნაშვილის სიკვდილით და სხვა ორი პირის დაკავებით.
„სამძიმარს ვუცხადებ ბატონი ტატუნაშვილის ოჯახს. ორ დაკავებულ ქართველს დაუყოვნებლივ უნდა მიეცეს საშუალება გაემგზავრონ საქართველოს მიერ კონტროლირებად ტერიტორიაზე“, წერს აპატურაი მისი „ფეისბუქის“ ოფიციალურ გვერდზე.