საქართველოში კორონავირუსისგან კიდევ 20 პაციენტი გამოჯანმრთელდა. ინფორმაციას მთავრობის სპეციალური ვებგვერდი www.stopcov.ge ავრცელებს.
ამავე ვებგვერდის ინფორმაციით, ამ დროისთვის საქართველოში კორონავირუსის 879 შემთხვევაა დადასტურებული, გამოჯანმრთელებულთა რაოდენობა კი 724-ს შეადგენს.
ამასთან, უცხოეთიდან სამკურნალოდ გადმოყვანილია საქართველოს სამი მოქალაქე.
კორონავირუსის შედეგად, ქვეყანაში 14 პაციენტი გარდაიცვალა.
კარანტინის რეჟიმში 2 710 მოქალაქე იმყოფება, ხოლო სტაციონარში მეთვალყურეობის ქვეშ – 267.