საქართველოში კორონავირუსის სამი ახალი შემთხვევა გამოვლინდა. ინფორმაციას მთავრობის სპეციალური ვებგვერდი stopcov.ge ავრცელებს.
ვებგვერდის ინფორმაციით, ამ დროისთვის საქართველოში კორონავირუსის 808 შემთხვევაა დადასტურებული, გამოჯანმრთელდა კიდევ 13 პაციენტი, შესაბამისად გამოჯანმრთელებულთა რაოდენობა 663-ს შეადგენს.
ამასთან, უცხოეთიდან სამკურნალოდ გადმოყვანილია საქართველოს სამი მოქალაქე.
კორონავირუსით ქვეყანაში 13 პაციენტი გარდაიცვალა.
კარანტინის რეჟიმში 2955 მოქალაქე იმყოფება, ხოლო სტაციონარში მეთვალყურეობის ქვეშ – 276.