საქართველოში კორონავირუსის მხოლოდ ერთი ახალი შემთხვევა დადასტურდა. ინფორმაციას მთავრობის სპეციალური ვებგვერდი, stopcov.ge აქვეყნებს.
შესაბამისად, ამ დროისთვის საქართველოში კორონავირუსის 639 შემთხვევაა დადასტურებული, გამოჯანმრთელებულთა რაოდენობა კი 349-ს შეადგენს.
ამასთან, უცხოეთიდან სამკურნალოდ გადმოყვანილია საქართველოს სამი მოქალაქე. კარანტინის რეჟიმში 4769 მოქალაქე იმყოფება, ხოლო სტაციონარში მეთვალყურეობის ქვეშ – 414.
ახალი კორონავირუსის შედეგად, ქვეყანაში უკვე 11 პაციენტი გარდაიცვალა.