საქართველოში კორონავირუსით კიდევ ერთი, მეთერთმეტე პაციენტი გარდაიცვალა. ინფორმაციას ვებგვერდი stopcov.ge აქვეყნებს.
გარდაცვლილი 81 წლის ასაკის მამაკაცია, რომელიც კლინიკა „მედალფაში“ მკურნალობდა.
კლინიკა „მედალფაში“ „კოვიდ-19“-ით ინფიცირებულის გარდაცვალების ეს უკვე მეორე შემთხვევაა.
აღსანიშნავია, რომ კლინიკა „მედალფაში“ პირველი გარდაცვლილი პაციენტი აღნიშნული მამაკაცის მეუღლეა.
ქვეყანაში კორონავირუსი სულ 638 ადამიანს დაუდასტურდა, აქედან 317 უკვე გამოჯანმრთელდა.