პარლამენტის ფრაქცია „ქართული ოცნების” თავმჯდომარე მამუკა მდინარაძე დეპუტატების მიერ მმართველი გუნდის დატოვებას ეხმაურება და აცხადებს, რომ ფაქტი სამწუხაროა, თუმცა, ეს იყო პოლიტიკური შეცდომა.
„ძალიან ცუდი ტრენდია ის, რომ გარკვეული პირობის არშესრულების შემდეგ, რამდენიმე ჩვენმა კოლეგამ ჩვენი გუნდი დატოვა. როდესაც ჩვენი გუნდის წევრები ტოვებენ გუნდს, არის ძალიან სამწუხარო, მაგრამ ჩვენ გვაქვს კონკრეტულ მოცემულობასთან საქმე, ერთ-ერთი მაგალითია ძალიან თვალსაჩინო, რომ ანტიკონსტიტუციური კანონის მხარდაჭერის გამორიცხვის გამო, გუნდი წევრებმა დატოვეს. ეს მათი არჩევანია, მათი გადასაწყვეტია, მე პირადად მიმაჩნია, რომ ანტიკონსტიტუციურ კანონს არ უნდა მივცეთ ხმა, რაც არ უნდა ემოციური ფონი იყოს და ჩემი აზრით, ეს იყო პოლიტიკური შეცდომა”, განაცხადა მამუკა მდინარაძემ ჟურნალისტებთან საუბრისას.