ვიმუშავებთ, რათა დავეხმაროთ საქართველოს, განაგრძოს დასავლეთში ინტეგრაცია, რომ გაუმკლავდეს რუსეთის მიერ განხორციელებულ დესტაბილიზაციისკენ მიმართულ ქმედებებსა და მცდელობას, ჩაშალოს საქართველოს მიერ წლების მანძილზე უდიდესი შრომით მიღწეული პროგრესი, – განაცხადა საქართველოში აშშ-ის ახლადდანიშნულმა ელჩმა, კელი დეგნანმა, საქართველოს საგარეო საქმეთა მინისტრ დავით ზალკალიანთან შეხვედრის შემდეგ.
როგორც მან აღნიშნა, ის ასევე საქართველოსა და აშშ-ს შორის ურთიერთობების გასაძლიერებლად იმუშავებს.
ჩვენ ვიმუშავებთ, რათა დავეხმაროთ საქართველოს, განაგრძოს დასავლეთში ინტეგრაცია, რომ გაუმკლავდეს რუსეთის მიერ განხორციელებულ დესტაბილიზაციისკენ მიმართულ ქმედებებს და მცდელობას, ჩაშალოს საქართველოს მიერ წლების მანძილზე უდიდესი შრომით მიღწეული პროგრესი. რა თქმა უნდა, ასევე, ვიმუშავებთ საქართველო-აშშ-ს შორის ურთიერთობების გასაძლიერებლად. ჩვენ გვაკავშირებს ძალიან ხანგრძლივი და ძლიერი პარტნიორობა. ვაპირებ, რომ ჩემი და მინისტრის გუნდების დახმარებით, კიდევ მეტად გავაძლიეროთ ეს ურთიერთობები“, – განაცხადა კელი დეგნანმა.