საქართველო

ირმა ინაშვილი ითხოვს, რომ საქართველოს პარლამენტმა მათ რუსეთის დუმაში ოფიციალური დელეგაციის სტატუსი მაინიჭოს

„პატრიოტთა ალიანსის” ერთ-ერთი ლიდერი ირმა ინაშვილი ითხოვს, რომ საქართველოს პარლამენტმა მათ დელეგაციას ოფიციალური დელეგაციის სტატუსი მაინიჭოს, რომ „ოფიციალური დელეგაცია ჩადიოდეს რუსეთის დუმაში და მართავდეს შეხვედრებს“.

მედიის წარმომადგენლებთან საუბრისას მან აღნიშნა, რომ „პატრიოტთა ალიანსის” ამოცანა ახალი ტერიტორიების დაკარგვისგან ქვეყნის დაცვაა.

„პოლიტიკური სპექტრი პოლიტიკურ სექტად ჩამოყალიბდა, სადაც საუბარი იმაზე, რომ რუსეთთან დიალოგი უნდა დაიწყოს, ქვეყნის მტრობად, რუსეთის აგენტობად არის აღქმული.

ამ აბსურდული ლოგიკით, ყველაზე დიდი აგენტი არის ნატოს გენერალური მდივანი, რომელმაც ორი დღის წინ განაცხადა, რომ ნატო რუსეთის იზოლაციას არ აპირებს, ნატო აპირებს რუსეთთან დიალოგის გაგრძელებას. ჩვენი მთავარი ამოცანაა, ჩვენი ქვეყანა დავიცვათ ახალი პრობლემებისგან, ახალი ტერიტორიების დაკარგვისგან. ის, რომ მოხდეს ურთიერთგარკვევა, ურთიერთობების დარეგულირება, ამ ნაწილში ჩვენ ნაბიჯების გადადგმა შეგვიძლია”, განაცხადა ირმა ინაშვილმა.

„პატრიოტთა ალიანსი” უახლოეს პერიოდში მოსკოვში მორიგ ვიზიტს გეგმავს.