თბილისში, ლერმონტოვის ქუჩაზე, ავარიული შენობის დემონტაჟის დროს სამი მუშა დაშავდა.
სასწრაფო დახმარების პრესსამსახური ინფორმაციით, ორი დაშავებული ალადაშვილის სახელობის და „ნიუ ჰოსპიტალის“ კლინიკაში არიან გადაყვანილი, მესამე მუშა კი მსუბუქად არის დაშავებული.
„თბილისის განვითარების ფონდის“ ხელმძღვანელის, ალექსანდრე ტოგონიძის განცხადებით, ფონდის დაკვეთით, ადგილზე სარეაბილიტაციო სამუშაოებს სამშენებლო კომპანია „ინსი“ ახორციელებდა.
ვრცელდება ინფორმაცია, რომ ერთ-ერთი მუშის ჯანმრთელობის მდგომარეობა მძიმეა. ის 54 წლის მამაკაცია.
„დიაგნოზი პოლიტტრავმა, ტრავმული შოკი, ფილტვების დაჟეჟილობა, მარცხენა ბარძაყის მოტეხილობა, საჯდომი ძვლის მოტეხილი, მარცხენამხრივი პნევმოთორაქსი. მდგომარეობა მძიმეა. პაციენტი სპონტანურ სუნთქვაზეა ამ ეტაპზე, რეანიმაციულ განყოფილებაში იმყოფება, მიმდინარეობს ინტენსიური დაკვირვება და მონიტორინგი“ , – აცხადებს ექიმმა ლევან ბესელიამ.