აშშ-ის პრეზიდენტმა, დონალდ ტრამპმა ძალადაკარგულად გამოაცხადა ჯოზეფ ბაიდენის ავტომატური ფაქსიმილეთი ხელმოწერილი ყველა განკარგულება და დოკუმენტი და ასეთი ტრამპის ცნობით, დაახლოებით 92%-ია.
„ნებისმიერი დოკუმენტი, რომელსაც ხელი მოაწერა მძინარე ჯო ბაიდენმა ავტომატური ფაქსიმილეთი, ეს კი დაახლოებით მათი 92%-ია, ამიერიდან ანულირებული და ძალადაკარგულია. ავტომატური ფაქსიმილეს გამოყენება დაუშვებელია, თუკი სპეციალურად არ არის ნებადართული აშშ–ს პრეზიდენტის მიერ. რადიკალმა მემარცხენე შეშლილებმა, ბაიდენის გარემოცვიდან, რომლებიც ამ შესანიშნავი „რეზოლუტის მაგიდის“ გარშემო იყვნენ ოვალურ კაბინეტში, მას პრეზიდენტობა ჩამოართვეს. ვაუქმებ ყველა აღმასრულებელ განკარგულებას და ყველაფერს, რაც პირდაპირ არ იყო ხელმოწერილი თაღლითი ჯო ბაიდენის მიერ, რადგან ხალხი, ვინც ფლობდა მის ავტომატურ ფაქსიმილეს, უკანონოდ აკეთებდა ამას. ჯო ბაიდენი არ იყო ჩართული ავტომატური ფაქსიმილეს პროცესში და თუკი იტყვის, რომ იყო, მას ცრუ ჩვენების მიცემის გამო ბრალს წარუდგენენ“, – წერს ტრამპი თავის სოციალურ ქსელში.