ევროპა, მსოფლიოს ახალი ამბები

დიდი ბრიტანეთის პრემიერ მინისტრი ბორის ჯონსონი გახდა

კონსერვატიული პარტიის წევრებმა არჩევანი ბორის ჯონსონსა და ჯერემი ჰანტს შორის ლონდონის ყოფილ მერზე, ბორის ჯონსონზე გააკეთეს.

ბორის ჯონსონმა 92,153 ხმით გაიმარჯვა. მისმა მეტოქემ, მოქმედმა საგარეო საქმეთა მინისტრმა ჯერემი ჰანტმა კი 46,656 ხმა მიიღო.

ჯონსონი ტერეზა მეის ჩაანაცვლებს და პრემიერ მინისტრის მოვალეობის შესრულებას ხვალიდან შეუდგება.

ბორის ჯონსონმა იმედი გამოთქვა, რომ პარტიის ნდობას გაამართლებს და თავის გუნდთან ერთად, რომელსაც მომდევნო რამდენიმე დღეში ჩამოაყალიბებს, თავდაუზოგავად იშრომებს.

მან ამ სიტყვებით დაასრულა გამოსვლა: „კამპანია დასრულებულია და მუშაობა იწყება“

თემთა პალატის ყოფილმა ლიდერმა ანდრეა ლიდსომმა განაცხადა, რომ ჯონსონს „მგზნებარედ სწამს დიდი ბრიტანეთის მომავლისა ევროკავშირის გარეთ“ და „ჩვენ უნდა ბოლომდე მივიტანოთ“ ბრექსიტი.

guardian.ge