წყალმომარგების მასშტაბური პროექტის, მეორე ეტაპის დაწყებასთან დაკავშირებით, სოფელ მარტყოფში საინფორმაციო შეხვედრა გაიმართა.
შეხვედრას გარდაბნის მუნიციპალიტეტის მერი რამაზ ბუდაღაშვილი, მერის პირველი მოადგილე დავით ჭანტურია, მუნიციპალური განვითრების ფონდისა და მსოფლიო ბანკის წარმომადგენლები, სამშენებლო სამუშაოების საზედამხედველო კომპნიის უცხოელი ექსპერტები, სოფელი მარტყოფის, ნორიოს, ახალი სამგორის, ვაზიანის, ახალსოფლისა და მუღანლოს წარმომადგენლები ესწრებოდნენ სადაც დეტალურად იქნა განხილული პროექტის მეორე ეტაპის მიმდინარეობა.
მასშტაბური პროექტის მეორე ეტაპი, სოფლებში რეზერუარების მშენებლობასა და სასმელი წყლის სისტემის ცენტრალური მილსადენის მონტაჟს ითვალისწინებს.
გარდაბნის მერიის ცნობით, პროექტის პირველი ეტაპის ფარგლებში სათავავე ნაგებობაზე უკვე დასრულებულია ჭაბურღილების, სატუმბი სისტემისა და საქლორატორო პუნქტის მოწყობა, ასევე წყლის რეზერვუარების მშენებლობა.
პროექტი, მუნიციპალური განვითარების ფონდის და გარდაბნის მუნიციპალიტეტის თანადაფინანსებით ხორციელდება. სამშენებლო სამუშაოების დასრულება 2020 წლისთვის იგეგმება.