5 მარტს, გარდაბნის მუნიციპალიტეტის საკრებულოში, საკრებულოს თავმჯდომარის – ტარიელ ჯანხოთელის ხელმძღვანელობით, საკრებულოს რიგგარეშე სხდომა გაიმართა. დეპუტატებმა დღის წესრიგით გათვალისწინებულ ოთხ საკითხს დაუჭირეს მხარი.
ცვლილება შევიდა „გარდაბნის მუნიციპალიტეტის 2019 წლის ადგილობრივი ბიუჯეტის დამტკიცების შესახებ“, გარდაბნის მუნიციპალიტეტის საკრებულოს 2018 წლის 24 დეკემბრის №54 დადგენილებაში.
საკრებულოს წევრებმა მოიწონეს, საქართველოს სახელმწიფო ბიუჯეტით გათვალისწინებული, საქართველოს რეგიონებში განსახორციელებელი პროექტების ფონდიდან, სოფლის მხარდაჭერის პროგრამის ფარგლებში, მუნიციპალიტეტებისთვის თანხის გამოყოფის შესახებ“, საქართველოს მთავრობის 2019 წლის 8 თებერვლის №208 განკარგულების საფუძველზე, გარდაბნის მუნიციპალიტეტში განსახორციელებელი ინფრასტრუქტურული სამუშაოების საპროექტო წინადადებები.
დადებითად გადაწყდა ჯანმრთელობის მდგომარეობის გაუარესების გამო, გარდაბნის მუნიციპალიტეტის სოფელ ახალ სამგორში მცხოვრები, არჩილი მძელურისთვის დახმარების გაწევისა და საკრებულოს წევრებისათვის უფლებამოსილების განხორციელებასთან დაკავშირებული ხარჯის ანაზღაურების საკითხი.