საქართველოში აშშ-ის ელჩის, კელი დეგნანის რეზიდენციაში „ქართული ოცნებისა“ და ოპოზიციის წარმომადგენლების მეორე შეხვედრა იმართება.
მოლაპარაკებებს აშშ-ის ელჩი, ასევე საქართველოში ევროკავშირის ელჩი, კარლ ჰარცელი ესწრება.
რეზიდენციაში იმყოფებიან საქართველოს პარლამენტის თავმჯდომარე არჩილ თალაკვაძე და იმ რვა პარტიის წარმომადგენლები, რომლებმაც საარჩევნო ბარიერი გადალახეს.
დიპლომატების მონაწილეობით პოლიტიკური კონსულტაციების პირველი რაუნდი, რომელზეც საპარლამენტო არჩევნების შემდგომ არსებულ ვითარებაზე იმსჯელეს, 12 ნოემბერს გაიმართა.