ამერიკის შეერთებული შტატების პრეზიდენტი დონალდ ტრამპი აცხადებს, რომ აშშ სამუდამოდ შეაჩერებს მიგრაციას მესამე სამყაროს ქვეყნებიდან, ასევე, ჩამოართმევს მოქალაქეობას მიგრანტებს, რომლებიც ძირს უთხრიან ქვეყნის შიდა სიმშვიდეს და შეწყვეტს ყველა ფედერალურ შეღავათსა და სუბსიდიას არამოქალაქეებისთვის.
„მიუხედავად იმისა, რომ ტექნოლოგიურად წინ წავედით, მიგრაციის პოლიტიკამ ბევრისთვის ეს მიღწევები და ცხოვრების პირობები შეარყია. სამუდამოდ შევაჩერებ მიგრაციას მესამე სამყაროს ქვეყნებიდან, რათა აშშ-ის სისტემა სრულად აღდგეს. შევაჩერებ მძინარა ჯო ბაიდენის მილიონობით უკანონო შეშვებასთან დაკავშირებულ ნებართვას, გავაძევებ ყველას, ვისაც არ შეუძლია ჩვენი ქვეყნის სიყვარული. შევაჩერებ ყველა ფედერალურ შეღავათსა და სუბსიდიას არამოქალაქეებისთვის, ჩამოვართმევ მოქალაქეობას მიგრანტებს, რომლებიც ძირს უთხრიან ქვეყნის შიდა სიმშვიდეს და გავაძევებ ნებისმიერ უცხო ქვეყნის მოქალაქეს, რომელიც უსაფრთხოებისთვის რისკს წარმოადგენს ან შეუთავსებელია დასავლურ ცივილიზაციასთან… მხოლოდ მიგრაციის შეჩერებას შეუძლია ამ მდგომარეობის სრულად მოგვარება. ამასთან, ყველას გილოცავთ მადლიერების დღეს, მათ გარდა, ვისაც სძულს, იპარავს, კლავს და ანადგურებს ყველაფერს, რასაც ამერიკა წარმოადგენს– თქვენ აქ დიდხანს არ დარჩებით“, – წერს თავის სოციალურ ქსელში ტრამპი.